ភ្នំពេញ ៖ ស្ត្រីម្នាក់ដែលមានឈ្មោះ សំ សុខា សកម្មជនអតីតគណបក្សសង្គ្រោះជាតិ ត្រូវបានតុលាការសម្រេចឃុំខ្លួនដាក់ពន្ធនាគារ ដោយសារតែបានយកស្បែកជើងគប់រូបសម្ដេចតេជោ ហ៊ុន សែន និងសម្តេច ហេង សំរិន កន្លងទៅ នៅខេត្តព្រះសីហនុនេះ បានសរសេរលិខិតសុំអភ័យទោសមួយច្បាប់ ដើម្បីស្នើសុំលោកនាយករដ្ឋមន្ត្រី ជួយលើកលែងទោស ឬបន្ថូរបន្ថយទោស បន្ទាប់ពីបានដឹងពីកំហុសរបស់ខ្លួន ដែលប្រព្រឹត្តកន្លងមក ។
សូមបញ្ជាក់ថា ស្ត្រីឈ្មោះ សំ សុខា កំពុងជាប់ឃុំនៅពន្ធនាគារខេត្តកំពង់ស្ពឺ តាំងពីថ្ងៃទី៩ ខែកុម្ភៈ ឆ្នាំ២០១៨មកម្ល៉េះ ។ នាងត្រូវបានសាលាដំបូងខេត្តកំពង់ស្ពឺ ចោទប្រកាន់ និងផ្តន្ទាទោសដាក់ពន្ធនាគារកំណត់រយៈពេល២ឆ្នាំ និងពិន័យជាប្រាក់៥លានរៀល ពីបទ «ប្រមាថ និងញុះញង់ឲ្យមានការរើសអើង» ប្រព្រឹត្តទៅនៅចំណុចផ្លូវលេខ៤៥ ចន្លោះគីឡូម៉ែត្រលេខ ៤-៥ ភូមិអុង ឃុំរាម ស្រុកព្រៃនប់ ខេត្តព្រះសីហនុ កាលពីថ្ងៃទី០១ ខែមេសា ឆ្នាំ២០១៧។
លិខិតសុំអភ័យទោសផ្ញើជូនសម្តេចតេជោ ហ៊ុន សែន មានដូចខាងក្រោមនេះ៖