មនុស្សយ៉ាងហោចណាស់ ១៦ នាក់បានបា.ត់ប.ង់ជីវិត និងរាប់សិបនាក់រងរបួស ខណៈផ្ទះជាង ៣០០ ខ្នងត្រូវបានបំផ្លា.ញខ្ទេចខ្ទី ក្រោយគ្រោះរញ្ជួយដីកម្រិតធ្ងន់ ៧.០ រិចទ័រ វា.យប្រហារចំតំបន់ភ្នំដាច់ស្រយាលនៃទីបេ កាលពីយប់ថ្ងៃព្រហស្បតិ៍ ទី២២ ខែតុលានេះ។.jpg)
________________
ត្រឹមពេលតែមួយយប់ ផ្ទះរាប់រយខ្នងក្លាយជាគំនរផេះផង់ មនុស្សស្លាប់ និងរងរបួសដេកដង្ហោយរកជំនួយទាំងកណ្តាលភាពងងឹត និងអាកាសធាតុដ៏ត្រជាក់បង្កក។ នេះគឺជាទិដ្ឋភាពដ៏រន្ធត់ និងខ្លោចផ្សាបំផុត ក្រោយពេលដែលដីដ៏មហិមាបានអង្រួនឡើងយ៉ាងខ្លាំងក្លា បំផ្លាញក្តីសង្ឃឹម និងជីវភាពរស់នៅរបស់ប្រជាពលរដ្ឋស្លូតត្រង់នៅក្នុងតំបន់ដាច់ស្រយាលនៃភ្នំទីបេ ត្រឹមតែមួយប៉ព្រិចភ្នែកប៉ុណ្ណោះ។
យោងតាមរបាយការណ៍ពីសារព័ត៌មានអន្តរជាតិធំៗ រួមមាន BBC, Al Jazeera និងប្រភពព័ត៌មានរដ្ឋចិន Xinhua បានបង្ហាញពីគ្រោះធម្មជាតិដ៏សាហាវនេះថា គ្រោះរញ្ជួយដីកម្រិតធ្ងន់រហូតដល់ ៧.០ រិចទ័រ បានវាយប្រហារចំស្រុក Baqên នៃតំបន់ Nagqu ក្នុងតំបន់ស្វយ័តទីបេ ប្រទេសចិន កាលពីវេលាម៉ោង ១០:៣៣ យប់ថ្ងៃព្រហស្បតិ៍។ ដោយសារតែវាជាប្រភេទគ្រោះរញ្ជួយដីរាក់ ដែលមានជម្រៅត្រឹមតែចន្លោះពី ១០ ទៅ ១៨ គីឡូម៉ែត្រក្រោមដី ទើបធ្វើឱ្យកម្លាំងរំញ័រដឹងច្បាស់ និងបង្កវិនាសកម្មយ៉ាងទំហំធំធេង។.jpg)
របាយការណ៍បឋមបានបញ្ជាក់ថា សោកនាដកម្មនេះបានលេបត្របាក់ជីវិតមនុស្សយ៉ាងហោចណាស់ ១៦ នាក់ ខណៈមនុស្សចន្លោះពី ៣២ ទៅ ៥៤ នាក់ទៀតបានរងរបួស ក្នុងនោះមានមនុស្ស ១១ នាក់ស្ថិតក្នុងស្ថានភាពធ្ងន់ធ្ងរ។ ផលប៉ះពាល់លើសំណង់អគារមានទំហំធំធេង ដោយផ្ទះសម្បែងរបស់ប្រជាពលរដ្ឋយ៉ាងតិច ៣៣៩ ខ្នងបានដួលរលំ បូករួមទាំងជម្រកសត្វពាហនៈជាច្រើនទៀត ព្រមទាំងធ្វើឱ្យប្រព័ន្ធផ្គត់ផ្គង់អគ្គិសនី និងបណ្តាញទំនាក់ទំនងទូរគមនាគមន៍នៅក្នុងស្រុកកើតហេតុត្រូវបានកាត់ផ្តាច់ទាំងស្រុង។ ភ្លាមៗនោះ អាជ្ញាធរចិនបានប្រកាសអាសន្ន និងប្រមូលកម្លាំងសង្គ្រោះបន្ទាន់ រួមមានកងកម្លាំងនគរបាល និងពន្លត់អគ្គិសភ័យជាង ១,៦០០ នាក់ សម្រុកចូលទៅកាយគំនរបាក់បែកដើម្បីស្វែងរកជនរងគ្រោះទាំងយប់។ 
សូមបញ្ជាក់ថា នេះគឺជាសោកនាដកម្មថ្មីមួយទៀតដែលបានវាយប្រហារតំបន់ទីបេ ប្រទេសចិន បន្ទាប់ពីតំបន់ភ្នំខ្ពស់មួយនេះទើបតែបានឆ្លងកាត់គ្រោះមហន្តរាយដ៏ជូរចត់កាលពីពេលថ្មីៗ។ ការមកដល់នៃគ្រោះរញ្ជួយដី ៧.០ រិចទ័រ លើកនេះ បានក្លាយជាសះជាំថ្មីបន្ថែមលើរបួសចាស់ ដែលទាមទារឱ្យមានការយកចិត្តទុកដាក់ និងជួយសង្គ្រោះជាអន្តរជាតិយ៉ាងដោះស្រាយ ជួយដល់ជនរងគ្រោះឱ្យឆ្លងផុតពីគ្រោះមហន្តរាយជាន់លើគ្រោះមហន្តរាយនេះ៕
