ច្បាស់ៗ ជេននី ទម្លាយថាមិនរណបសៀ.មតាំងពីដើមមកម្ល៉េះសុខចិត្តចោលលុយក៏មិនចំណុះ

ជេននី ដែលជាអ្នកបង្កើតមាតិកានិងជា influencer បានបង្ហាញថារូបនាងតាំងពីដើមមកពោលគឺតាំងពីមិនទាន់មានជម្លោះព្រំដែនរូបនាងមិនរណបនឹងសៀមនោះទេ ថែមទាំងធ្លាប់បោះបង់ប្រាក់ជាច្រើនដោយសារតែមកព្រមដាក់តារានោះមកពីប្រទេសណា។ ព័ត៌មាននេះបានធ្វើឱ្យទស្សនិកជនមានការចាប់អារម្មណ៍ជាច្រើននិងសរសើរទៅកាន់ទឹកចិត្តរបស់នាង។

តាមរយៈកម្មវិធីផតខាសរបស់ ខេ ជេននី ដែលបច្ចុប្បន្នជាសមាជិកមួយរូបរបស់ Newgen បន្ទាប់ពី Team Veesa បានបញ្ចប់បានធ្វើឱ្យមានការចាប់អារម្មណ៍ជាច្រើនបន្ទាប់ពី ជេននី បានជជែករឿងជាច្រើនដែលគាំទ្រពុំធ្លាប់ដឹងពីមុនមក។ ក្នុងនោះ ជេននី បានបង្ហាញថាមានតែមិត្តភក្តិជិតស្និទ្ធនាងប៉ុណ្ណោះដែលបានដឹងថាតាំងពីដើមមកនាងមិនរណបជាមួយនឹងផ្ទះលេខ២នោះទេ។ យ៉ាងណា ជេននី បានសារភាពថានាងធ្លាប់ទៅទីនោះនិងមានតារានៅក្នុងដួងចិត្តដូចគ្នាប៉ុន្តែដឹងថាកាលពីអតីតកាលគេធ្លាប់ធ្វើអ្វីខ្លះដាក់យើង។

ជេននី បាននិយាយថាអ្វីដែលជារបស់ខ្មែរនាងលើកតម្កើនណាស់មិនថាតិចឬច្រើនហើយនាងធ្លាប់បានបាត់បង់ការងារតាំងពីមុនមានសង្គ្រាមមកម្ល៉េះដោយសារតែគេលើកតម្កើនជាតិសាសន៍គេខ្លាំងពេក។ influencer រូបនេះពន្យល់ថាមានកម្មវិធីហាងកាហ្វេមួយដោយបញ្ជាក់ថាភាគីម្ខាងទៀតមិនខុសនោះទេប៉ុន្តែអ្វីដែលទទួលបានគឺនាងខកចិត្ត ដោយការងារដែលនាងទៅគឺត្រឹមតែ១ម៉ោងប៉ុណ្ណោះហើយទទួលបានលុយច្រើនតែនាងសុខចិត្តបោះបង់។

ជេននី បន្តថាកម្មវិធីនោះគឺមានតារាខាងផ្ទះលេខ២មកសម្ពោធហាងហើយនាងចូលរួមជាភ្ញៀវកិត្តិយសដោយបញ្ជាក់ថាតារារូបណា មកពីណា ចូលទៅក្នុងការបង្ហោះរបស់ខ្លួនជាមួយនឹងការរៀបរាប់ជាច្រើន។ ក្នុងពេលជជែកពីការងារនោះ ជេននី បានស្នើទៅម្ខាងទៀតថានាងអាចនិយាយពីឈ្មោះតារានោះបានប៉ុន្តែមិននិយាយពីប្រទេសនោះទេ។

ជាលទ្ធផលការងារនោះមិនសម្រេចឡើយដោយសារតែ ជេននី បដិសេធមិននិយាយឈ្មោះប្រទេសថៃ ខណៈដែលនាងមិនដែលនិយាយប្រម៉ូតតារាថៃណាម្នាក់ឡើយ។ Influencer មានប្រជាប្រិយភាពរូបនេះបន្ថែមថា នាងពិតជាស្តាយលុយនៃការចូលរួមកម្មវិធីនោះណាស់ប៉ុន្តែនាងមិនអាចយកលុយនោះហើយអង្គុយមើលវីដេអូរួចជេរខ្លួនឯងនោះទេ៕