មិនទាន់ចេញបទ Jay X ច្រៀងបទ ឈឺទេ របស់ វណ្ណដា

គិតមកទល់នឹងថ្ងៃទី១៣ ខែកក្កដា ឆ្នាំ២០២៦ នេះ Jay X ដែលជាម្ចាស់ពានមួយរូបមិនទាន់បានចេញបទថ្មីក្នុងនាមជាសិល្បកររបស់ផលិតកម្មបារមីឡើយ។ ទោះយ៉ាងណា Jay X បានធ្វើឱ្យទស្សនិកជនមានការចាប់អារម្មណ៍បន្ទាប់ពីបកស្រាយបទ «ឈឺទេ» របស់ រៀមច្បង វណ្ណដា ។

មុននឹង វណ្ណដា ត្រូវបានទស្សនិកជនភាគច្រើនស្គាល់ថាជាតារារ៉េប សិល្បកររូបនេះមានបទចម្រៀងបែបមនោសញ្ចេតនាល្បីៗជាច្រើនបទហើយមកទល់នឹងពេលនេះបទចម្រៀងពីមុនរបស់ វណ្ណដា នៅតែទទួលបានការចាប់អារម្មណ៍មិនសាបឡើយ។ ជាក់ស្តែងបទ «ឈឺទេ» ដែលចេញក្នុងឆ្នាំ២០១៧ នៅតែពេញនិយមរបស់អ្នកស្តាប់ក្នុងនោះ Jay X ដែលជាម្ចាស់ពាន The Next Level: RapStar ក៏បានបកស្រាយឡើងវិញនូវបទនេះធ្វើឱ្យទស្សនិកជនចាប់អារម្មណ៍ជាថ្មី។

កាលពីពេលថ្មីៗនេះ ខុម យ៉ុងជេ ឬ Jay X បាន Live នៅលើបណ្តាញសង្គមដោយជជែកកម្សាន្តនិងជាច្រៀងកំដរអ្នកគាំទ្រផងដែរ។ Jay X បានជ្រើសរើសបទ «ឈឺទេ» របស់ វណ្ណដា យកមកបកស្រាយ ដែលធ្វើឱ្យអ្នកគាំទ្របញ្ចេញមតិយោបល់វិជ្ជមានជាច្រើន។ ទន្ទឹមនឹងការច្រៀងរបស់ Jay X មានអ្នកគាំទ្រមួយចំនួនបានជីកសួរពីការចេញបទថ្មីរបស់ Jay X ផងដែរ។

គួរឱ្យដឹងថា ចាប់តាំងពីក្លាយជាម្ចាស់ពាន The Next Level: RapStar កាលពីដើមខែឧសភា ឆ្នាំ២០២៦ មកទល់នឹងពាក់កណ្តាលខែកក្កដា នេះ Jay X មិនទាន់បានចេញបទចម្រៀងជាផ្លូវការនៅឡើយទេ។ ទោះយ៉ាងណា Jay X បានភ្ជាប់ទំនាក់ទំនងនិងបង្ហើបប្រាប់ទស្សនិកជនខ្លះៗរូបគេក៏កំពុងសកម្មលើការងារនេះដូចគ្នា ប៉ុន្តែមិនសម្រេចបាននូវឡើយទេ។

Jay X បានធ្វើឱ្យមហាជនចាប់អារម្មណ៍ចាប់តាំងពីចូលប្រកួតដំបូងមកម្ល៉េះ ខណៈម្ចាស់ពានរូបនេះបានកែប្រែវាសនាខ្លួនឯងពីកម្មកររោងចក្រក្លាយជាតារាកំពុងរះមួយដួងដែលមានទស្សនិកជនស្រលាញ់ចូលចិត្តច្រើន៕