ក្តិប បកស្រាយជុំវិញការរិះគន់ថា «វាយឬក»ក្តិប បកស្រាយជុំវិញការរិះគន់ថា «វាយឬក»

ក្តិប ដែលពេលនេះមានការផ្លាស់ប្តូររូបរាងធំជាងមុននិងស្រស់ស្អាតជាងមុនបានចេញបកស្រាយទាក់ទងនឹងមតិពីសាធារណជនរិះគន់ថាខ្លួននៅខាងក្រៅ«វាយឬក» មាន ចរិតឆ្មើងឆ្នៃ។ ក្តិប ថាអ្នកមួយចំនួនពេលឃើញរូបគេមិនមែនហៅស្រួលបួលនោះទេ តែនិយាយពាក្យមិនសមរម្យនិងលួចក្តិចទៀតដែលធ្វើឱ្យខ្លួនមិនពេញចិត្តឡើយ។

កាលពីមុន ក្តិប បានបាត់មុខពីការសម្តែងជាមួយនឹង នាយព្រែក មួយរយៈបន្ទាប់មកក៏ចូលថតវិញ ហើយក្រោយមកទៀតបានបន្តបាត់មុខមួយរយៈពេលម្តងទៀត។ ទោះយ៉ាងណា ថ្មីៗនេះ ក្តិប បានបង្ហាញខ្លួនជាមួយនឹង នាយព្រែក ម្តងទៀតហើយមកលើកនេះមនុស្សជាច្រើនបានសរសើរថា ក្តិប ស្រស់ស្អាតនិងធំរូបរាងជាងមុន។ នៅក្នុងវីដេអូមួយរបស់ នាយព្រែក ក្តិប បានចេញមកបកស្រាយទាក់ទងនឹងការលើកឡើងរបស់អ្នកលេងបណ្តាញសង្គមមួយចំនួនដែលរិះគន់ឥរិយាបថរបស់ ក្តិប ថានៅខាងក្រៅវាយឬកនិងឆ្មើងឆ្នៃ។

ក្តិប បានបកស្រាយថាអ្នកមួយចំនួនពេលឃើញរូបគេមិនមែនហៅស្រួលបួលនោះទេ តែនិយាយពាក្យមិនសមរម្យនិងលួចក្តិចទៀតដែលធ្វើឱ្យខ្លួនមិនពេញចិត្តឡើយ។ ក្តិប បានលើកឡើងឧទារណ៍កាលពីទៅខេត្តសៀមរាបជាមួយនឹង រ៉េននី ដារ៉ា ត្រូវគេទាញឡើងចង់ធ្លាក់លូ។ ក្តិប អះអាងថាប្រសិនជាបងៗប្អូនៗអ្នកគាំទ្រនិយាយល្អ ឬសុំថតដោយសម្រួលនោះគឺខ្លួនរួសរាយរាក់ទាក់និងនិយាយធម្មតា។

យ៉ាងណាក៏ដោយទោះបីជាមានការបកស្រាយខាងលើនេះក្តី ប៉ុន្តែមតិនៅលើបណ្តាញសង្គមមួយចំនួនចង្អុលបង្ហាញថា ក្តិប គឺ «វាយឬក» មាន ចរិតឆ្មើងឆ្នៃទោះបីជាហៅតាមសម្រួល ឬហៅថា Idol ក៏ដោយ៕