តារាកំប្លែង ពាក់មី បានបាត់បង់អ្នកតាមដានយ៉ាងគំហុកបន្ទាប់ពីរងភាពចម្រូងចម្រាសនៅលើបណ្តាញសង្គម។ កាលពីមុនផេកផ្លូវការរបស់លោកដែលមានឈ្មោះថា «Chem Chanra ចែម ចាន់រ៉ា» មានអ្នកតាមដានចំនួន ៣.៥លាននាក់ ប៉ុន្តែពេលនេះនៅសល់ ៣.៤លាននាក់ដែលមានន័យថាលោកបាត់បង់ចំនួន១០០k ដែលប្រមាណ១០ម៉ឺននាក់។
ដូចប្រិយមិត្តជ្រាបមកហើយថាលោក ចែម ចាន់រ៉ា ហៅ នាយពាក់មី បានធ្វើឱ្យមានភាពរង្គោះរង្គើនៅលើបណ្តាញសង្គមយ៉ាងខ្លាំងរហូតអ្នកមួយចំនួនដែលធ្លាប់តែជាអ្នកគាំទ្របានបង្ហាញការខកចិត្តនឹងតារាកំប្លែងរូបនេះ។ ភាពចម្រូងចម្រាសនេះបានកើតឡើងបន្ទាប់ពីមានវីដេអូនៅក្នុង LIVE ដែលនាយ ពាក់មី បញ្ចេញកាយវិការស្និទ្ធស្នាលនឹងនារីម្នាក់ឈ្មោះថា លក្ខិណា។ វីដេអូមួយនេះបានជំរុញឱ្យទស្សនិកជនលោកយ៉ាងច្រើនដោយសារតែពួកគេអាណិតដល់ភរិយាតារាកំប្លែងរូបនេះជាពិសេសកូនស្រីរបស់លោកកំពុងតែចម្រើនវ័យដោយចាត់ទុកទង្វើរបស់ឪពុកមិនសមរម្យ។
អ្វីដែលធ្វើឱ្យរឿងនេះកាន់តែធំៗទៅ តារាកំប្លែង ពាក់មី និងភរិយា បានថតវីដេអូមួយដែលមនុស្សមួយចំនួនចោទថាលោកយកភាពផិតក្បត់មកសម្តែង។ ការរិះគន់ហួសព្រំដែនរហូតឈានដល់ប្រមាថក្រុមគ្រួសារ តារាកំប្លែងពាក់មី បានដាក់ពាក្យបណ្តឹងទៅកាន់គណនីបណ្តាញសង្គមមួយដោយទាមទារទឹកប្រាក់ចំនួន១ម៉ឺន៥ពាន់ដុល្លារ។ ទោះយ៉ាងណា បន្ទាប់ពីសម្របសម្រួលគ្នារួចនារីដែលរងបណ្តឹងបានចេញវីដេអូសូមទោសជាសាធារណៈ ព្រមទាំងបាញ់ទឹកប្រាក់ចំនួន១០០០ដុល្លារទៅមន្ទីរពេទ្យកុមារអង្គរតបតាមការចង់បានរបស់ដើមបណ្តឹង។.png)
រឿងអាស្រូវនេះជំរុញឱ្យមនុស្សជាច្រើនបានបង្ហាញការមិនពេញចិត្តនិងខកចិត្តទៅកាន់តារាកំប្លែង ពាក់មី ដោយអ្នកខ្លះបង្ហាញពីការប្លុករបស់គេ។ បន្ទាប់ពីរងកំហឹងពីសាធារណជនបណ្តាញសង្គមរបស់តារាកំប្លែង ពាក់មី បានចុះអ្នកតាមដានជាបន្តបន្ទាប់។
ពីមុនផេកផ្លូវការបស់លោកដែលមានឈ្មោះថា «Chem Chanra ចែម ចាន់រ៉ា» មានអ្នកតាមដានចំនួន ៣.៥លាននាក់ ប៉ុន្តែពេលនេះនៅសល់ ៣.៤លាននាក់ដែលមានន័យថាលោកបាត់បង់ចំនួន១០០k ដែលប្រមាណ១០ម៉ឺននាក់។ មកទល់នឹងពេលនេះផេករបស់លោកនៅបន្តការធ្លាក់ចុះនៅឡើយ។ ទន្ទឹមនឹងការធ្លាក់ចុះនិងមានការរិះគន់ អ្នកមួយចំនួនយល់ថាគួរតែបញ្ចប់រឿងត្រឹមនេះដោយនឹកទៅដល់អំពើល្អរបស់លោកជួយសង្គមកន្លងមក៕
