តារាសម្តែង Zhao Ziqi ដែលជាតួអង្គម្នាក់នៅក្នុងរឿង «The Legend of Zang Hai» បានសរសើរពីគុណសម្បត្តិរបស់ Xiao Zhan ដែលជាមូលហេតុលោកទទួលបាននូវភាពជោគជ័យដូចសព្វថ្ងៃនេះ។
យោងតាមប្រព័ន្ធផ្សព្វផ្សាយចិន Xiao Zhan រក្សាបានកេរ្តិ៍ឈ្មោះល្អនៅក្នុងវិស័យកម្សាន្ត។ អ្នកដឹកនាំរឿង និងតារាសម្តែងជាច្រើនដែលធ្លាប់ធ្វើការជាមួយលោកបានសរសើរតារាប្រុសរូបនេះ រួមទាំងអតីតតារាសម្តែងរួមរបស់លោកគឺ Zhao Ziqi ផងដែរ។ យោងតាមសម្តីរបស់តារាសម្តែង Zhao Ziqi ក្នុងរយៈពេលប៉ុន្មានឆ្នាំមកនេះ ទោះបីជាបានជួបប្រទះនឹងការឡើងចុះ ការប្រមូលផ្ដុំនូវកិត្តិនាម និងបទពិសោធន៍ ព្រមទាំងជួបប្រទះនឹងការផ្លាស់ប្តូរគួរឱ្យកត់សម្គាល់នៅក្នុងឋានៈរបស់ខ្លួនក៏ដោយ អ្វីដែលនៅតែមិនផ្លាស់ប្តូរអំពី Xiao Zhan គឺគុណសម្បត្តិដ៏មានតម្លៃពីរយ៉ាងគឺការផ្តោតអារម្មណ៍ និងភាពរីករាយ និងស្មារតីដ៏រឹងមាំនៃការលះបង់ចំពោះអាជីពរបស់លោក។
Zhao Ziqi ក៏បានសង្កត់ធ្ងន់ផងដែរថា បន្ទាប់ពីបានជួបជាមួយ Xiao Zhan នាងបានដឹងរឿងមួយថាភាពជោគជ័យរបស់លោកគឺជៀសមិនរួច។ អ្វីដែលលោកបានបង្ហាញគឺលើសពីការស្រមើលស្រមៃរបស់នាងទៅទៀត ហើយ Xiao Zhan គឺជាតារាសម្តែងដ៏ឆ្នើមម្នាក់។ តារាសម្តែងវ័យ៤៩ឆ្នាំរូបនេះបន្ថែមទៀតថា Xiao Zhan តែងតែបង្ហាញពីទម្រង់ដ៏ល្អបំផុតរបស់ខ្លួនឯងនិងស្ទើរតែគ្មានកំហុសអ្វីឡើយ។
មិនមែនត្រឹមតែ Zhao Ziqi ទេ តារាសម្ដែងដែលធ្លាប់ធ្វើការជាមួយ Xiao Zhan ដូចជា Zhang Guoqiang, Xing Minshan និង Liang Chao សុទ្ធតែនិយាយសរសើរតារាប្រុសរូប ហើយគោរព ខ្លាំងពេលនិយាយពី Xiao Zhan ។
នៅដើមខែមិថុនា Xiao Zhan ត្រូវបានបញ្ចូលក្នុង តួអង្គភាពយន្តដែលគួរឱ្យកត់សម្គាល់បំផុតទាំង ៥ នៃឆ្នាំ ២០២៦ ពីសកម្មភាពបោះឆ្នោត Weibo Film Night 2026។ ក្នុងពេលជាមួយគ្នានេះ ខ្សែភាពយន្តដែលលោកបានសម្តែងបានធ្វើឱ្យវាក្លាយជាខ្សែភាពយន្តដែលពេញនិយមបំផុតទាំង ៥ នៃឆ្នាំនេះផងដែរ។ នៅពេលដែលពានរង្វាន់នៅតែបន្តហូរចូល ការពិភាក្សាអំពី Xiao Zhan ក៏កាន់តែខ្លាំងឡើងនៅលើបណ្តាញសង្គមផងដែរ។
ដោយមានបទពិសោធន៍ជាង ១០ ឆ្នាំក្នុងវិស័យសម្ដែង Xiao Zhan បានសាកល្បងសម្ដែងក្នុងប្រភេទសម្ដែងជាច្រើនប្រភេទ ចាប់ពីរឿងភាគបែបស្រមើស្រមៃប្រវត្តិសាស្ត្រ និងភាពយន្តយោធា រហូតដល់ភាពយន្តបែបប្រាកដនិយម និងល្ខោនឆាក។ កម្រិតនៃភាពបត់បែននេះបានធ្វើឱ្យលោកទទួលបានការកោតសរសើរយ៉ាងខ្លាំង៕
