Esther Yu រ.ងការចោ.ទប្រកាន់ថាចំណាយលុយដើម្បីចូលរួមព្រឹត្តិការណ៍អន្តរជាតិ

យោងតាម Sohu Li Dengke អតីតអ្នកគ្រប់គ្រងរបស់តារាសម្តែង Gulinazha និងជាអ្នកមានបទពិសោធន៍ ១០ ឆ្នាំក្នុងឧស្សាហកម្មកម្សាន្តចិន ថ្មីៗនេះបានទាក់ទាញចំណាប់អារម្មណ៍នៅពេលដែលលោកបានលើកឡើងថា Esther Yu បានរ៉ាប់រងការចំណាយរបស់នាងមួយផ្នែកនៅពេលចូលរួមក្នុងសកម្មភាពអន្តរជាតិ។

លោក Li បាននិយាយថានេះគឺជារឿងធម្មតាណាស់នៅក្នុងឧស្សាហកម្មនេះ ដែលសិល្បករចិនត្រូវចំណាយមួយផ្នែកនៃការចំណាយផ្ទាល់ខ្លួន នៅពេលចូលរួមសប្តាហ៍ម៉ូត ឬព្រឹត្តិការណ៍អន្តរជាតិនៅបរទេស។ មូលហេតុគឺថាថវិកាសម្រាប់ការគាំទ្រពីម៉ាកយីហោបរទេសច្រើនតែមានកម្រិតដោយសារតែភាពខុសគ្នានៃអត្រាប្តូរប្រាក់ ឬថ្លៃដើមរបស់ក្រុមទាំងមូល។ ជាពិសេសសម្រាប់សិល្បករថ្មីថ្មោង នេះក៏ជាមធ្យោបាយមួយដើម្បីរក្សា និងពង្រីកធនធានអន្តរជាតិរបស់ពួកគេផងដែរ។

លោកបានពន្យល់យ៉ាងជាក់លាក់ថា «ប្រហែលជា Esther Yu យកចិត្តទុកដាក់ចំពោះបុគ្គលិករបស់នាង ដូច្នេះហើយបានចំណាយប្រាក់ផ្ទាល់ខ្លួនរបស់នាងដើម្បីកែលម្អសណ្ឋាគារ និងអាហារសម្រាប់ពួកគេ» ខណៈពេលដែលលោកក៏សរសើរនាងថាជា «មេល្អ»។
ទោះជាយ៉ាងណាក៏ដោយ មានពាក្យចចាមអារ៉ាមថា Esther Yu បានចំណាយប្រាក់ផ្ទាល់ខ្លួនដើម្បីចូលរួមព្រឹត្តិការណ៍ Gold Gala ដែលបានប្រារព្ធឡើងនៅទីក្រុង Los Angeles សហរដ្ឋអាម៉េរិក កាលពីដើមខែឧសភា។

យោងតាមប្រព័ន្ធផ្សព្វផ្សាយចិន ព្រឹត្តិការណ៍នេះគឺជាព្រឹត្តិការណ៍ដែលត្រូវបានអញ្ជើញតែប៉ុណ្ណោះ។ Esther Yu បានចូលរួមក្នុងនាមជា «តំណាងសិល្បករវ័យក្មេងមកពីតំបន់អាស៊ីប៉ាស៊ីហ្វិក» និងជាភ្ញៀវពិសេសក្នុងការផ្លាស់ប្តូរវប្បធម៌។ នាងគឺជាតារាចិនដំបូងគេក្នុងជំនាន់៩៥ត្រូវបានអញ្ជើញចាប់តាំងពីព្រឹត្តិការណ៍នេះត្រូវបានបង្កើតឡើងកាលពី ៥ ឆ្នាំមុន។ដំណើររបស់ Esther Yu ថែមទាំងត្រូវបានគ្របដណ្តប់ដោយបទសម្ភាសន៍ឯកជនជាមួយ Billboard និងប្រព័ន្ធផ្សព្វផ្សាយអន្តរជាតិដូចជា Vogue ទៀតផង ដូច្នេះវាពិតជាគ្មានសំណួរអំពីការចំណាយដើម្បីចូលរួមនោះទេ។

នៅលើកំរាលព្រំក្រហមនៃកម្មវិធី Gold Gala ឆ្នាំនេះ Esther Yu បានធ្វើឱ្យមានការចាប់អារម្មណ៍យ៉ាងខ្លាំង។ ការជ្រើសរើសសម្លៀកបំពាក់លើកម្រាលព្រំក្រហមរបស់តារាស្រីរូបនេះទទួលបានមតិប្រតិកម្មវិជ្ជមាន។ ប្រតិកម្មភាគច្រើនរបស់សាធារណជនចំពោះការបង្ហាញខ្លួនរបស់ Esther Yu ផ្តោតលើទិដ្ឋភាពវប្បធម៌។ ទស្សនិកជនបានលើកឡើងថា នាងបាននាំសិល្បៈប៉ាក់ម្ជុលចេញពីសារមន្ទីរនានា ហើយដាក់លើកម្រាលព្រំក្រហមអន្តរជាតិ ដែលរួមចំណែកដល់ការផ្លាស់ប្តូរបេតិកភណ្ឌវប្បធម៌អរូបី៕