ស្របពេលផ្ទុះភាពចម្រូងចម្រាសទាក់ទងនឹងគុណភាពផលិតផលជុំវិញបងប្អូនស្រីពីរនាក់ដែលមានជម្លោះជាមួយនឹងគ្នាជាយូរមកហើយ ស្រាប់តែគេបានឃើញ ប៉ីប៉ី ឌី ចេញមកបង្ហោះសារយ៉ាងក្តៅគគុកដោយបញ្ជាក់ថារូបលោកជាភេទទី៣ មិនមែនមានលុយអាចទិញក្បាលបាននោះទេ។.png)
នៅវេលាម៉ោង៣ទៀបភ្លឺឈានចូលថ្ងៃទី១៥ ខែឧសភា ប៉ីប៉ី ឌី ដែលជាបុគ្គលមានឥទ្ធិពលលើបណ្តាញសង្គមនិងជាអ្នកជំនួញមួយរូបបានបង្ហោះសំណេរយ៉ាងក្តៅគគុកដោយដាក់នាមឱ្យបុគ្គលនោះថា «ធ្មេញ១០ម៉ែត្រ»។ ប៉ីប៉ី ឌី ថាបើខ្លាំងនិយាយឈ្មោះលោកឱ្យចំកុំនិយាយដោយប្រយោលបើសិនជាពូកែឈ្លោះមែន ហើយរូបលោកគឺអាចកំដរបានជានិច្ចមិនមែនដូចជាអ្នកផ្សេងដែលមិនចង់តបតនោះទេ។
មិនត្រឹមតែបញ្ជាក់បែបនេះ ប៉ីប៉ី ឌី បានអះអាងថារូបលោកគឺជាភេទទី៣មែន តែមិនមែនមានលុយសុទ្ធតែអាចទិញក្បាលខ្លួនបានទេ បើមិនដូច្នេះទេលោកទទួលប្រម៉ូតផលិតផល«ធ្មេញ១០ម៉ែត្រ» នេះមិនខាន។ ការដែលមិនទទួលប្រម៉ូតនោះ ប៉ីប៉ី ឌី បញ្ជាក់ថាមិនចង់ពាក់ព័ន្ធមនុស្សសតិអារម្មណ៍ ឱបភ្លើងនោះទេ។ ប៉ីប៉ី ឌី សង្កត់ធ្ងន់ទៀតថាបើលោកតាំងចិត្តថានឹងឈ្លោះប្រកែកគ្នាមែនលោកមិនដែលខ្លាចនោះទេដាក់ឈ្មោះឱ្យចំមកស្រួលតទល់។
ការបង្ហោះសារនេះបានធ្វើឱ្យអ្នកលេងបណ្តាញសង្គមមានការចាប់អារម្មណ៍ភ្លាមៗជាមួយនឹងការបញ្ចេញមតិរាប់ពាន់នាក់ដោយមានទំនោរចង់ឱ្យ ប៉ីប៉ី ឌី ព្រលះមនុស្សម្នាក់នេះចេញ។ អ្នកខ្លះទៀតក៏អះអាងថាពួកគេដឹងថាមនុស្សម្នាក់ដែល ប៉ីប៉ី ឌី សម្តៅដល់គឺជានរណា។
គួរឱ្យដឹងថា ថ្មីៗកន្លងមកនេះ ប៉ីប៉ី ឌី ទើបតែឡើងគេហដ្ឋានផ្ទាល់ខ្លួនដ៏ស្រស់ស្អាតនៅឯខេត្តសៀមរាបក្នុងតម្លៃរាប់ម៉ឺនដុល្លារឯណោះ។ ប៉ីប៉ី ឌី ត្រូវបានទស្សនិកជនមើលឃើញថាកាក់កបនឹងមុខជំនួញយ៉ាងខ្លាំងក្នុងការលក់ប្រ៊េនឆាយ ខណៈក៏ប្រឡូកក្នុងទីផ្សារកុនផងដែរ៕
