Jungkook ចេញមុខសូមទោសក្រោយពីមានបញ្ហាសំឡេងក្នុងអំឡុងពេលប្រគំតន្រ្តី

ថ្មីៗនេះ Jungkook សមាជិកក្រុម BTS បានបង្ហោះនៅលើគណនីប្រព័ន្ធផ្សព្វផ្សាយសង្គមផ្ទាល់ខ្លួនទាក់ទងនឹងបញ្ហាសំឡេងអំឡុងពេលការប្រគំតន្រ្តីនៅសហរដ្ឋអាម៉េរិកដោយបញ្ជាក់ថាហេតុការណ៍នោះគឺជាការពិតនិងបានសូមទោសដល់សហគមន៍អ្នកគាំទ្ររបស់ខ្លួន។

BTS កំពុងរៀបចំការប្រគំតន្ត្រីជាទេសចរណ៍ «Arirang»ទូទាំងពិភពលោករបស់ពួកគេ។ ការប្រគំតន្ត្រីនៅឯកីឡដ្ឋាន Raymond James (Tampa រដ្ឋ Florida សហរដ្ឋអាម៉េរិក) នឹងប្រព្រឹត្តទៅចាប់ពីថ្ងៃទី ២៥ ដល់ថ្ងៃទី២៨ ខែមេសា ដោយទាក់ទាញអ្នកចូលរួមប្រមាណ ៦៦,០០០នាក់ជារៀងរាល់យប់។

យ៉ាងណាក៏ដោយ នៅយប់ដំបូងការប្រគំតន្ត្រីបានជួបប្រទះនឹងបញ្ហាបច្ចេកទេស។ នៅពេលដែលក្រុម BTS សម្តែងបទចម្រៀង «Magic Shop» ប្រព័ន្ធសំឡេងបានដំណើរការខុសប្រក្រតី ដែលបណ្តាលឱ្យសំឡេងរបស់ Jungkook មិនស៊ីសង្វាក់គ្នា ដែលធ្វើឱ្យវាហាក់ដូចជាលោកកំពុងច្រៀងមិនត្រឹមត្រូវ ឬបាត់សំនៀង។ បន្ទាប់ពីការសម្តែងបានបញ្ចប់ Jungkook បានដោះស្រាយស្ថានការណ៍ដោយផ្ទាល់ដោយច្រៀងផ្នែករបស់លោកផ្ទាល់ដោយគ្មានភ្លេងដោយបានសម្តែងយ៉ាងមានអានុភាព និងទទួលបានការទះដៃអបអរសាទរយ៉ាងខ្លាំងពីទស្សនិកជន។

ក្រោយមក Jungkook បានសរសេរនៅលើបណ្តាញសង្គមនិងសូមទោសដល់អ្នកគាំទ្រ។ សមាជិកក្មេងជាងគេរបស់ក្រុម BTS បានសរសេរថា “ខ្ញុំសូមអភ័យទោសដល់ ARMY ដែលបានមកទស្សនាការប្រគំតន្ត្រីកាលពីម្សិលមិញ។ ខ្ញុំក៏មានការតូចចិត្តយ៉ាងខ្លាំងផងដែរ»។ នេះគឺបង្ហាញពីភាពមិនស្រួលរបស់ Jungkook ចំពោះហេតុការណ៍នេះ។

យោងតាមប្រព័ន្ធផ្សព្វផ្សាយការប្រគំតន្ត្រីជាបន្តបន្ទាប់របស់ BTS ត្រូវបានគេរំពឹងថានឹងបង្កើតផលសេដ្ឋកិច្ចចំនួន ៨០០-៩០០ លានដុល្លារសម្រាប់តំបន់ Tampa។ ដំណើរទេសចរណ៍នៅអាម៉េរិកខាងជើងរបស់ BTS ត្រូវបានគ្រោងនឹងធ្វើឡើងនៅទូទាំង ១២ ទីក្រុង ដោយមានការសម្តែងសរុបចំនួន ៣១។ ដោយសារតែតម្រូវការដ៏ច្រើនលើសលប់ សំបុត្រសម្រាប់រយៈពេលពីរបីថ្ងៃដំបូងទាំងអស់ត្រូវបានលក់អស់ភ្លាមៗ ដែលបង្ខំឱ្យអ្នករៀបចំកម្មវិធីបន្ថែមការសម្តែងនៅក្នុងទីក្រុងផ្សេងទៀតដូចជា Tampa, Stanford និង Las Vegas៕