តារាសម្តែង Deng Kai ដែលល្បីក្នុងរយៈពេលចុងក្រោយនេះសម្តែងជាតួអង្គចិត្តអាក្រក់កំពុងក្លាយជាប្រធានបទក្តៅនៅលើបណ្តាញសង្គមបន្ទាប់ពីហ្វេនផ្កាប់មុខ ជ្រុលនិយម តាមរំខានលោកចូលទៅក្នុងកាប៊ីនយន្តហោះ។ ទោះយ៉ាងណាទឹកមុខរបស់តារាប្រុសរូបនេះបានក្លាយជាប្រធានបទក្តៅនៅលើ Weibo។
តាមការបង្ហោះនៅលើបណ្តាញសង្គមចិនបានឱ្យដឹងថា Deng Kai កំពុងអង្វរអ្នកគាំទ្រឱ្យត្រឡប់ទៅកន្លែងអង្គុយរបស់ពួកគេវិញ ដើម្បីជៀសវាងការរំខានដល់អ្នកដំណើរផ្សេងទៀត។ នៅពេលដែលសំណើរបស់លោកត្រូវបានគេមិនអើពើ លោកត្រូវបានថតនៅលើកាមេរ៉ា ដោយបង្វិលភ្នែករបស់តារាប្រុសរូបនេះនៅក្នុងគ្រានៃភាពអស់សង្ឃឹមដែលអាចមើលឃើញ។
សកម្មភាពនេះបានជំរុញឱ្យអ្នកនិយមអ៊ីនធឺណិតមួយចំនួនបានចោទប្រកាន់ថាកាយវិការនេះថា «ក្រអឺតក្រទម» បន្ទាប់ពីការកើនឡើងនៃកិត្តិនាមរបស់ Deng Kai។ ទោះយ៉ាងណារលកអ្នកគាំទ្រកំពុងការពារលោក ដោយអះអាងថាអាកប្បកិរិយា Sasaeng មិនគួរត្រូវបានអត់ឱនឡើយ។ លើសពីនេះទៅទៀត អ្នកគាំទ្រក៏បានលើកហេតុការណ៍កាលពីមុនរបស់ Deng Kai ដោយបញ្ជាក់ថាលោកនៅតែគោរពនិងមានរីករាយជាមួយអ្នកគាំទ្រខ្លួនផ្ទុយស្រឡះពីអាកប្បកិរិយាទៅលើហ្វេនជ្រុលនិយមមួយចំនួន។
អ្នកគាំទ្របានលើកឡើងថា ការមកដល់អាកាសយានដ្ឋានរបស់ Deng Kai នៅមុនថ្ងៃនោះ Deng Kai ដែលមានការភ្ញាក់ផ្អើល ប៉ុន្តែញញឹមបានទទួលយកសំបុត្រអ្នកគាំទ្រដោយរីករាយ។ ដោយទើបតែទទួលបានប្រជាប្រិយភាពយ៉ាងខ្លាំងសម្រាប់តួនាទីរបស់ខ្លួនក្នុងរឿង «Pursuit of Jade » នេះគឺជាការបង្ហាញខ្លួននៅអាកាសយានដ្ឋានលើកដំបូងរបស់លោកដែលត្រូវបានហ្វេនផ្កាប់តាមរំខាននៅពេលធ្វើដំណើរ។
គួរឱ្យដឹងថា Deng Kai គ្រោងនឹងថតកម្មវិធី «Hello Saturday» ជាមួយ Kong Xueer។ អ្នកគាំទ្រកំពុងអំពាវនាវឱ្យមានការការពារកាន់តែប្រសើរសម្រាប់តារាសម្ដែងរូបនេះ បន្ទាប់ពីហេតុការណ៍នេះកើតឡើង៕
