តារាហូលីវូដ Anya Taylor-Joy ចង់សម្តែងរឿងជាមួយ Jisoo

យោងតាមប្រព័ន្ធផ្សព្វផ្សាយ Jisoo សមាជិក Blackpink រួមជាមួយទូតសុឆ្ទន្ឆៈ Dior Beauty ផ្សេងទៀតតារាហូលីវូដ Anya Taylor-Joy និងតារាចម្រៀង Willow Smith នឹងបង្ហាញខ្លួននៅក្នុងយុទ្ធនាការផ្សព្វផ្សាយជាបន្តបន្ទាប់សម្រាប់ខ្សែទឹកអប់ថ្មីមួយ ដែលបានបោះពុម្ពផ្សាយនៅក្នុងទស្សនាវដ្តីម៉ូតអន្តរជាតិជាច្រើននៅក្នុងខែមករា។ មួយក្នុងចំណោមនោះគឺ Elle Singapore ដែលក៏បានជ្រើសរើស Jisoo ជាតារាបង្ហាញម៉ូតសម្រាប់ ទស្សនាវដ្តី Dior Fashion របស់ខ្លួនផងដែរ។

នៅក្នុងបទសម្ភាសន៍ជាមួយ Elle Singapore សម្រាប់យុទ្ធនាការនេះ តារាសម្តែង Anya Taylor-Joy ត្រូវបានគេសួរថា «អ្នកគឺជាមុខមាត់មួយរបស់ Dior រួមជាមួយ Jisoo និង Willow Smith។ ប្រសិនបើមានគម្រោងច្នៃប្រឌិតដែលអ្នកអាចធ្វើជាមួយគ្នាក្រៅពី Dior តើអ្នកនឹងជ្រើសរើសអ្វី?»។ ជាការឆ្លើយតប Anya Taylor-Joy បានបង្ហាញពីបំណងប្រាថ្នារបស់នាងក្នុងការសម្ដែងក្នុងខ្សែភាពយន្តតន្ត្រីជាមួយ Jisoo និង Willow Smith។

Anya ក៏បានផ្តល់យោបល់ដោយស្មោះអំពីបុគ្គលិកលក្ខណៈរបស់មិត្តរួមការងាររបស់នាងថា «Jisoo គឺបរិសុទ្ធមិនគួរឱ្យជឿ។ នាងពិតជាបង្ហាញពីភាពផ្អែមល្ហែម។ នាងមានបេះដូងដ៏អស្ចារ្យបំផុត។ ខ្ញុំពិតជាស្រឡាញ់នាងណាស់»។

Anya Taylor-Joy គឺជាតារាសម្តែងអង់គ្លេស-អាម៉េរិកដ៏ល្បីល្បាញម្នាក់ ដែលល្បីល្បាញដោយសារតួនាទីរបស់នាងនៅក្នុងខ្សែភាពយន្តជាច្រើន។ Jisoo, Anya Taylor-Joy និង Willow Smith បានសហការគ្នាតាំងពីឆ្នាំ ២០២៤ លើការថតរូប និងគម្រោងផ្សេងៗសម្រាប់ម៉ាក Dior Beauty៕