សែនសោកសា្តយ! ប្រាសាទតាក្របី ត្រូវបានបំផ្លាញទាំងស្រុង ពីគ្រាប់បែកយោធាថៃ

ក្រសួងវប្បធម៌កម្ពុជា ប្រកាសកាន់ទុក្ខចំពោះការខូចខាតប្រាសាទតាក្របី ក្រោយត្រូវបានយោធាថៃទម្លាក់គ្រាប់កម្ទេចខ្ទេចរូបរាង និងរចនាសម្ព័ន្ធប្រាសាទទាំងស្រុង។
ប្រាសាទតាក្របី មានទីតាំងស្ថិតនៅលើជួរភ្នំដងរ៉ែក ក្នុងភូមិបុសធំ ឃុំគោកខ្ពស់ ស្រុកបន្ទាយអំពិល ខេត្តឧត្តរមានជ័យ ដែលមានចម្ងាយប្រមាណ ១២គីឡូម៉ែត្រ ភាគខាងកើតប្រាសាទតាមាន់ធំ និងចម្ងាយប្រមាណ ៦គីឡូម៉ែត្រ។
ប្រាសាទនេះ កសាងដោយព្រះបាទសូរ្យវរ្ម័នទី១ និងព្រះបាទឧទ័យទិត្យវរ្ម័នទី២ កំឡុងសតវត្សទី១១ គ.ស ដើម្បីឧទ្ទិសដល់ព្រះឥសូរ ដូចប្រាសាទព្រះវិហារ ប្រាសាទតាមាន់ធំ និងប្រាសាទតាមាន់តូច ជាដើម។
តាក្របី ជាប្រាសាទមួយដែលគ្មានក្បាច់លម្អ និង សិលាចារឹកបន្សល់ទុក្ខជាតឹកតាងក្នុងការកំណត់ពីការបរិច្ឆេទរបស់ប្រាសាទ។ ដូចនេះការសិក្សាស្រាវជ្រាវត្រូវពឹងផ្អែកទៅលើការប្រៀបធៀបទៅនឹងសំណង់មួយចំនួនដែលស្ថិតនៅក្នុងរាជ្យរបស់ព្រះបាទសូរ្យវរ្ម័នទី១។
ប្រាសាទតាក្របី ជានិមិត្តរូបនៃវប្បធម៌អរិយធម៌ដ៏រុងរឿងរបស់ខ្មែរ ថែរក្សាការពារដោយខ្មែរ ដោយពុំទទួលរងការខូចខាតពីធម្មជាតិ ឬអាយុកាល ប៉ុន្តែត្រូវបានសម្លាប់ តែមួយពព្រិចភ្នែកដោយយោធាថៃ៕