បន្ទាប់ពីរងការចោទប្រកាន់មានអ្នកមួយចំនួនរិះគន់អ្នកដែលនិយាយថាមិនទទួលថតផលិតផលក្នុងស្រុកគឺជា ឡូរីន ពេលនេះនាងទទួលបានភាពស្អាតស្អំវិញហើយ។ នារីម្នាក់បានចេញមុខអះអាងថាមិនមែនជា ឡូរីន នោះទេខណៈដែលរូបភាពឆាតដែលបែកធ្លាយជាសាធារណៈគឺជាសារឆ្លើយឆ្លងរបស់នាងផ្ទាល់និងមនុស្សម្នាក់ផ្សេងទៀត។
កាលពីយប់ថ្ងៃទី៣០ ខែវិច្ឆិកា គណនីហ្វេកប៊ុកមួយបានបង្ហោះវីដេអូនិយាយអំពីរឿងរ៉ាវរបស់ ឡូរីន ដែលកន្លងមកនេះមានមនុស្សជាច្រើនប៉ាន់ស្មានថានាងគឺជាអ្នកនិយាយមិនថតផលិតផលក្នុងស្រុក (Local Brand) ។ នារីរូបនេះបាននិយាយថាដំបូងឡើយនៅពេលរូបភាពឆាតនោះមានការចែកចាយលើបណ្តាញសង្គមស្របពេល ឡូរីន កំពុងក្លាយ BA ផលិតផលផងទើបធ្វើឱ្យមនុស្សជាច្រើនយល់ច្រឡំថាគឺជារូបនាងសូម្បីតែរូបនាងផ្ទាល់។
.png)
នារីដែលចេញវីដេអូបានអះអាងថា ធាតុពិតនៃបញ្ហាចម្រូងចម្រាសលើការមិនផ្សព្វផ្សាយផលិតផលក្នុងស្រុកមិនមែនជាឡូរីននោះទេ ហើយឆាតនោះមិនមែនជារបស់ ឡូរីន នោះទេប៉ុន្តែនាងត្រូវបានគេទាញចូលធ្វើឱ្យមានអ្នកស៊ែរជេរនាង។ ក្រោយពេលនារីរូបនេះចេញមកជម្រះមន្ទិលសង្ស័យចំពោះ ឡូរីន ហើយមានមនុស្សជាច្រើនសម្តែងការអាណិតអាសូរចំពោះនាងដែលត្រូវបានគេជេរចោទប្រកាន់មកលើនាងទាំងមិនទាន់ដឹងរឿងពិត។
ទោះយ៉ាងណា បន្ទាប់ពីចេញវីដេអូនេះលាងភាពស្អាតស្អំមកកាន់ ឡូរីន ហើយនារីដែលបានបង្ហោះបានលុបវីដេអូនោះផងដែរ៕
