អ្នកនាង ចន ច័ន្ទលក្ខណា បង្ហាញការគោរពស្រលាញ់ទៅកាន់លោកជំទាវ យឹម ឆៃលីន

អ្នកនាង ចន ច័ន្ទលក្ខណា អតីតប្រធានសមាគមសិល្បករបានបង្ហាញការគោរពស្រលាញ់ទៅកាន់លោកជំទាវ យឹម ឆៃលីន ដោយបានបង្ហាញថាការស្រលាញ់នេះគឺជារៀងរហូត។ មែនទែនទៅអ្នកនាង ចន ច័ន្ទលក្ខណា ជារឿយៗតែងតែបង្ហោះរូបភាពនិងបង្ហាញក្តីស្រលាញ់របស់ខ្លួន។

នៅយប់ថ្ងៃទី២៥ ខែវិច្ឆិកា ឆ្នាំ២០២៥ អ្នកនាង ចន ច័ន្ទលក្ខណា បានបង្ហោះវីដេអូរបស់លោកជំទាវ យឹម ឆៃលីន ដោយភ្ជាប់មកជាមួយនឹងចំណងជើងថា «គោរពស្រលាញ់បងស្រីជារៀងរហូត»។ ការបង្ហោះនេះបានជំរុញឱ្យតារាចម្រៀង សុវត្ថិឌី ធារីកា បានចូលបញ្ចេញមតិថាលោកជំទាវ យឹម ឆៃលីន ក៏ជាបងស្រីជាទីស្រឡាញ់និងគោរពរបស់នាងដូចគ្នា។

ជាមួយនឹងការបង្ហោះនេះបានធ្វើឱ្យសាធារណជនចូលបញ្ចេញមតិយោបល់ជាច្រើនថាលោកជំទាវ ឆៃលីន គឺពិតជាស្រស់ស្អាតខ្លាំងរហូតមានអ្នកមួយចំនួនមានបំណងចង់បានភាពស្រស់ស្អាតក្មេងជាងវ័យដូចជាលោកជំទាវ ឆៃលីន ដូចគ្នា។ មតិខ្លះទៀតបានលើកសរសើរថាលោកជំទាវ យឹម ឆៃលីន ស្រស់ស្អាតគ្មានទាស់។

កាលពីខែកក្កដា ឆ្នាំ២០២៤ អ្នកនាង ចន ច័ន្ទលក្ខណា បានបង្ហោះវីដេអូមួយជាមួយលោកជំទាវ ឆៃលីន ជាមួយនឹងក្តីស្រលាញ់ជ្រាលជ្រៅដោយបាននិយាយថាលោកជំទាវជាមេគួរឱ្យគោរពស្រលាញ់ មេដ៏សែនស្អាតចិត្តល្អនិងតែងជួយកូនចៅគ្រប់ៗគ្នា។

គួរឱ្យដឹងថាលោកជំទាវ យឹម ឆៃលីន មានអាយុជាង៤០ឆ្នាំទៅហើយប៉ុន្តែសម្រស់របស់លោកជំទាវនៅតែស្រស់ស្អាតក្មេងជាងវ័យដែលធ្វើឱ្យមនុស្សជាច្រើនសរសើរលោកជំទាវមិនដាច់ពីមាត់និងចង់បានភាពស្រស់ស្អាតដូចជាលោកជំទាវ៕