ទំនាក់ទំនង Bai Lu និងប្អូនប្រុសរបស់ Fan Bingbing ធ្វើឱ្យមានការជជែកវែ.កញែ.ក

ថ្មីៗនេះទំនាក់ទំនងរវាងតារាសម្តែង Bai Lu និងតារាសម្តែង Adam Fan ឬ Fan Cheng Cheng ប្អូនប្រុសរបស់ Fan Bingbing ត្រូវបានពិភាក្សាយ៉ាងក្តៅគគុកនៅលើបណ្តាញសង្គម។ នៅក្នុងវីដេអូដ៏ល្បីមួយ Bai Lu និង Cheng Cheng បានទាក់ទាញការចាប់អារម្មណ៍ចំពោះសកម្មភាពស្និទ្ធស្នាលរបស់ពួកគេ នៅពេលដែលពួកគេទាំងពីរបានស្លៀកសំលៀកបំពាក់ប្រពៃណី Tajik នៅទីក្រុង Xinjiang ។

Bai Lu បានថើបបាតដៃស្តាំរបស់ Fan Cheng Cheng ។ ជាការឆ្លើយតបតារាសម្ដែងរូបនេះបានប៉ះក្បាលតារាស្រីរូបនេះស្រាលៗ។ ឈុតឆាកនេះធ្វើឱ្យមានការសង្ស័យពីទំនាក់ទំនងស្នេហា។ យ៉ាងណាក៏ដោយអ្នកគាំទ្រជឿថាសកម្មភាពនិងភាពស្និទ្ធស្នាលរបស់តារាសម្តែងទាំងពីរគឺដោយសារពួកគេកំពុងថតកម្មវិធីទូរទស្សន៍ «Keep Running»។ កាយវិការរបស់ Bai Lu និង Fan Chengcheng គ្រាន់តែជាពិធីស្វាគមន៍ប្រពៃណីរបស់ប្រជាជន Tajik នៅ Xinjiang ប៉ុណ្ណោះ។ នេះមិនមែនជាព័ស្តុតាងណាត់ជួបដូចដែលអ្នកទស្សនាជាច្រើនបានប៉ាន់ស្មាននោះទេ។

ទោះជាយ៉ាងណាក៏ដោយ ភាពស្និទ្ធស្នាលរវាង Bai Lu និង Fan Cheng Cheng ត្រូវបានពិភាក្សាជាយូរណាស់មកហើយ។ ទោះបីជាពួកគេមិនដែលបានសហការលើគម្រោងភាពយន្តណាមួយក៏ដោយ ក៏តារាសម្តែងទាំងពីរមានឱកាសធ្វើការជាមួយគ្នានៅពេលដែលពួកគេបានក្លាយជាសមាជិកថេរនៃកម្មវិធី «Keep Running» អស់រយៈពេលជាច្រើនរដូវកាល។ តារាទាំងពីរត្រូវបានគេស្រឡាញ់ចំពោះអត្តចរិកសាទរ លះបង់ និងរីករាយពេលចូលរួមកម្មវិធី។ ទន្ទឹមនឹងនោះ ក៏មានមតិជាច្រើនលើកឡើងថាប្អូនប្រុស Fan Bingbing និង Bai Lu មានភាពស៊ីចង្វាក់គ្នាយ៉ាងស្រស់ស្អាតបែបធម្មជាតិ។

ថ្មីៗនេះវីដេអូរបស់ Cheng Cheng និង Bai Lu សម្តែងក្បាច់រាំក្នុងបទ «Obsession» របស់ EXO បានសាយភាយពេញបណ្តាញសង្គម។ វីដេអូនេះបានឈានដល់ការចូលចិត្តជិត ១០ លាននាក់យ៉ាងឆាប់រហ័ស ដោយមានមតិជាច្រើន។ ខុសប្លែកពីរូបភាពកំប្លែងៗដែលតែងតែឃើញនៅលើ «Keep Running» ទាំង Bai Lu និង Cheng Cheng បានចាប់អារម្មណ៍ជាមួយនឹងរូបរាងទាន់សម័យ ចាស់ទុំ និងទាក់ទាញរបស់ពួកគេ។ ថ្វីដ្បិតតែ Cheng Cheng មានអាយុតិចជាង Bai Lu ដល់ទៅ ៦ ឆ្នាំក៏ដោយ ក៏អ្នកនិយមលេងអ៊ីនធឺណិតគិតថា តារាប្រុសដែលកើតក្នុងឆ្នាំ ២០០០នៅតែមើលទៅល្អសមគ្នា។ អ្នកគាំទ្រជាច្រើនសង្ឃឹមថាតារាសម្តែងទាំងពីរអាចសហការគ្នាក្នុងខ្សែភាពយន្តបែបមនោសញ្ចេតនាទំនើប៕