Bai Yiru ក្លាយជាតារាស្រីក្នុងក្រុមហ៊ុនរបស់ Huang Xiaoming ខណៈមានមតិថាស្រដៀងអតីតភរិយាលោក

នៅថ្ងៃទី១៣ ខែវិច្ឆិកា ក្រុមហ៊ុនកម្សាន្តដែលបង្កើតឡើងដោយតារាសម្តែង Huang Xiaoming បានប្រកាសថាខ្លួនបានចុះកិច្ចសន្យាគ្រប់គ្រងជាមួយតារាសម្តែងស្រី Bai Yiru ។ ព័ត៌មាន និងរូបថតរបស់ Yiru បានក្លាយជាប្រធានបទស្វែងរកយ៉ាងក្តៅគគុកលើបណ្ដាញសង្គម Weibo ។ អ្នកខ្លះថែមទាំងនិយាយថា Bai Yiru ស្រដៀងនឹង Angelababy ដែលជាអតីតភរិយា និង Ye Ke ដែលជាអតីតគូស្នេហ៍។

Bai Yiru កើតក្នុងឆ្នាំ២០០៣ នៅទីក្រុង Xinjiang ហើយបច្ចុប្បន្នកំពុងសិក្សាផ្នែកសម្តែងនៅ Beijing Film Academy ។ ទស្សនិកជនបានបញ្ចេញមតិថា Yiru លេចធ្លោជាមួយនឹងភ្នែកធំៗ។ នាងមានកម្ពស់ ១. ៧២ ម៉ែត្រ មានរាងខ្ពស់ជើងវែង ហើយមានសក្ដានុពលទាំងក្នុងការបង្ហាញម៉ូត និងភាពយន្ត។

មុខរបស់ Bai Yiru មានរូបរាងស្លូតបូត ភ្លឺថ្លា មានសម្រស់ផ្អែមល្ហែមបែបជប៉ុន-កូរ៉េ ភ្នែកមូលធំៗ និងស្នាមញញឹមពិសេស ដែលងាយស្រួលបង្កើតក្តីអាណិត។ Bai Yiru បានបង្ហាញខ្លួនជាលើកដំបូងក្នុងឆ្នាំ២០២២ ជាមួយនឹងរឿងភាគខ្លីចិនបុរាណ។ ថ្វីដ្បិតតែសកម្មរយៈពេល ៣ ឆ្នាំក៏ដោយ ប៉ុន្តែ Bai Yiru បានសាកល្បងដៃរបស់នាងក្នុងប្រភេទជាច្រើនដូចជាប្រភេទ មនោសញ្ចេតនាបុរាណ មនោសញ្ចេតនាសម័យទំនើប និង ឧក្រិដ្ឋកម្ម ។

គួរឱ្យដឹងថាក្រៅពីអាជីពសម្តែង Huang Xiaoming អតីតស្វាមី Angelababy បានបង្កើតក្រុមហ៊ុនកម្សាន្តមួយក្នុងឆ្នាំ ២០០៧ ដោយប្រតិបត្តិការក្នុងវិស័យផលិតភាពយន្ត កម្មវិធីទូរទស្សន៍ និងការគ្រប់គ្រងសិល្បករ។

Huang Xiaoming បានកត់សម្គាល់ Bai Yiru ក្នុងឆ្នាំ២០២៣ បន្ទាប់ពីបានមើលរឿងខ្លីដែលនាងបានសម្ដែង។ បន្ទាប់មកលោកបានជួយនាងឱ្យទទួលបានឱកាសសម្ដែងក្នុងរឿងភាគទូរទស្សន៍ជាច្រើន។ ក្នុងឆ្នាំ ២០១២ Xiaoming គឺជាតារាចិនដែលរកចំណូលបានខ្ពស់បំផុត ជាមួយនឹងប្រាក់ចំណូលប្រហែលជាង ៥៤ លានដុល្លារអាម៉េរិក។ លោកបានវិនិយោគលើវិស័យកម្សាន្ត វីដេអូហ្គេម និងភោជនីយដ្ឋាន។ បច្ចុប្បន្នក្រុមហ៊ុនរបស់ តារាសម្តែងវ័យ៤៨ឆ្នាំរូបនេះបានចុះកុងត្រាជាមួយតារាសម្ដែងជិត២០នាក់ហើយ ប៉ុន្តែស្ទើរតែគ្មានមុខល្បី។ Bai Yiru ត្រូវបានគេចាត់ទុកថាជាក្តីសង្ឃឹមថ្មីសម្រាប់ Huang Xiaoming ក្នុងការលើកកម្ពស់មុខមាត់ក្រុមហ៊ុនរបស់លោកក្នុងគ្រាលំបាក៕