Zhao Lusi សហការជាមួយថៅកែចាស់ខណៈលោកធ្លាប់ត្រូវបានគេរិះគ.ន់ថាធ្វើបា.បនាងកាលពីអតីតកាល

នៅក្នុងការប្រគំតន្ត្រីខួបកំណើតគម្រប់អាយុ២៧ ឆ្នាំ ដែលបានធ្វើឡើងនៅទីក្រុង Chengdu (ប្រទេសចិន) តារាសម្តែងស្រី Zhao Lusi បានប្រកាសថានាងចាកចេញពីក្រុមហ៊ុនចាស់ Galaxy Cool Entertainment ហើយបានចាប់ផ្តើមដំណើរថ្មីក្នុងអាជីពរបស់នាង។

ជាមួយគ្នានេះ Zhao Lusi បានរៀបរាប់ពីចរិតរបស់លោក Li Wei ដែលជាអ្នកនៅពីក្រោយការប្រគំតន្ត្រីនេះ។ យោងតាមសារព័ត៌មានចិន Li Wei គឺជាអ្នកគ្រប់គ្រងថ្មីដែលនឹងរួមដំណើរជាមួយ Zhao Lusi បន្ទាប់ពីនាងចាកចេញពី Galaxy Cool ។ ឈ្មោះ Li Wei បង្កការពិភាក្សាភ្លាមៗដោយសារតែលោកក៏ជាអតីតថៅកែរបស់ Zhao Lusi នៅ Galaxy Cool ដែលជាអ្នកដែលត្រូវបានគេសង្ស័យថាបានធ្វើបាបតារាស្រីនៅពេលនាងចាប់ផ្តើមអាជីពដំបូង។

Lee Wei គឺជាស្ថាបនិកដើមនៃ Galaxy Cool Entertainment ដោយបានរកឃើញ Zhao Lusi និងបានជួយនាងឱ្យល្បីល្បាញ។ ប៉ុន្តែនៅឆ្នាំ២០២៣ Lee Wei បានដកខ្លួនចេញពី Galaxy Cool ។ មានពាក្យចចាមអារ៉ាមថា លោកត្រូវបានថ្នាក់ដឹកនាំក្រុមហ៊ុនបណ្ដេញចេញ។ កាលពីចុងឆ្នាំ២០២៤ បន្ទាប់ពី Zhao Lusi បានធ្លាក់ខ្លួនឈឺ ហើយបានលាតត្រដាងថានាងធ្លាប់ត្រូវបាន មេដឹកនាំ Galaxy Cool រងការវាយដំ និងស្តីបន្ទោស អស់រយៈពេលពីរម៉ោងពីបទបាត់តួនាទី Li Wei ត្រូវបានសង្ស័យថាជាអ្នកដឹកនាំនោះដែលធ្វើឱ្យលោកក្លាយជាគោលដៅនៃការរិះគន់។

ជាការឆ្លើយតប Lee Wei បាននិយាយថាលោកតែងតែចាត់ទុក Lusi ជាប្អូនស្រី មិនដែលវាយធ្វើបាបនាងទេហើយតែងតែមើលនាងពីក្រោយខ្នង។ ពាក្យទាំងនោះមិនមែនគ្រាន់តែជានិយាយចោលនោះទេ។ ឥឡូវនេះ នៅពេលដែល Zhao Lusi មានបញ្ហា Li Wei បានចូលជួយម្តងទៀត។ ក្នុងអំឡុងពេលប្រគំតន្ត្រី Zhao Lusi បានសារភាពថា «មិនថាខ្ញុំជា Zhao Lusi ឬគ្រាន់តែជាតារាសម្តែងធម្មតា គាត់តែងតែល្អចំពោះខ្ញុំ»។

Zhao Lusi មិនបានប្រកាសជាផ្លូវការថាក្រុមហ៊ុនណាដែលនាងបានចុះកុងត្រាជាមួយបន្ទាប់ពីចាកចេញពី Galaxy Cool។ ប៉ុន្តែថ្មីៗនេះ មានព័ត៌មានថា តារាស្រីរូបនេះនឹងចូលរួមជាមួយ Hujing Digital Media and Entertainment Group (Hu Jing) ដែលជាក្រុមហ៊ុនទទួលបន្ទុកផ្នែកប្រព័ន្ធផ្សព្វផ្សាយ និងកម្សាន្តរបស់ Alibaba Group។

រាល់ចលនារបស់ Zhao Lusi បច្ចុប្បន្នកំពុងទាក់ទាញការចាប់អារម្មណ៍ពីសាធារណជន។ មនុស្សជាច្រើនបានប្រៀបធៀបកិច្ចសហប្រតិបត្តិការរបស់តារាស្រីរូបនេះជាមួយអតីតថៅកែរបស់នាងថានឹងបង្កើត «សម្ព័ន្ធសងសឹក»។ គម្រោងថ្មីរបស់ Zhao Lusi និងទិសដៅអភិវឌ្ឍន៍នាពេលអនាគតក៏ត្រូវបានរំពឹងទុកផងដែរ៕