តារាសម្ដែង Zhang Yuxi ត្រូវអ្នកគាំទ្រង.ប់ង.ល់តាមប្រមាញ់និងគំរា.មកំហែ.ង

តារាសម្ដែង Zhang Yuxi បង្ហាញថានាងកំពុងត្រូវបានតាមដាននិងគម្រាមកំហែងដោយអ្នកគាំទ្រងប់ងល់ដែលជំរុញឱ្យនាងប្ដេជ្ញាចាត់វិធានការផ្លូវច្បាប់សម្រាប់ការការពារ។

តារាសម្ដែងចិន Zhang Yuxi ដែលជារឿយៗត្រូវបានសរសើរថាស្អាតជាង AIបានធ្វើឱ្យអ្នកគាំទ្រមានការភ្ញាក់ផ្អើលជាខ្លាំង បន្ទាប់ពីបានបង្ហើបថានាងកំពុងត្រូវបានយាយី និងតាមប្រមាញ់ដោយមិនមែនតែម្នាក់ទេ ប៉ុន្តែមានអ្នកគាំទ្រពីរក្រុមដែលឈ្លក់វង្វេង។

យោងតាមសម្តីរបស់តារាស្រីរូបនេះបានឱ្យដឹងថា ក្រុមមួយបានរំលោភបំពានយ៉ាងក្លាហានចូលទៅលួចទ្រព្យសម្បត្តិដែលបានចុះបញ្ជីក្រោមឈ្មោះរបស់នាងដែលនាងបានជួល។ ពួកគេបានប្រឈមមុខនឹងអ្នកជួលជាមួយនឹងការទាមទារដ៏ខ្លាំងក្លាដូចជា តើ Zhang Yuxi នៅឯណា?។ ដោយភ័យខ្លាច អ្នកជួលបានទូរស័ព្ទទៅប៉ូលិសភ្លាមៗ។ ក្រោយមកអាជ្ញាធរបានបញ្ជាក់ថា មានបុរសម្នាក់តែងតែដើរលេងក្បែរគេហដ្ឋានដោយសួរពីកន្លែងលាក់ខ្លួនរបស់ Zhang Yuxi ដោយបញ្ជាក់ថាការឈ្លានពាននេះមិនមែនជាការចៃដន្យទេ។

ក្នុងពេលជាមួយគ្នានេះ Zhang Yuxi ក៏ត្រូវបានក្រុមអ្នកដើរតាមមួយក្រុមផ្សេងទៀតតាម នាងអស់រយៈពេលជាច្រើនខែ។ កាលពីថ្ងៃទី ១៥ ខែកញ្ញា តារាសម្តែងវ័យ៣៤ឆ្នាំរូបនេះបានថតរូបផ្លាកលេខរបស់ stalker ម្នាក់ ហើយព្រមានជាសាធារណៈថា «ប្រសិនបើរឿងនេះកើតឡើងម្តងទៀត ខ្ញុំនឹងទូរស័ព្ទទៅប៉ូលិស។ ខ្ញុំមិនខ្លាចអ្នកទេ» ។

ការយាយីនេះបានហួសពី Zhang Yuxi ខ្លួននាងផ្ទាល់ ហើយថែមទាំងផ្តោតលើគ្រួសារ និងបុគ្គលិករបស់នាងជាមួយនឹងសារគំរាមកំហែង និងបំពាន។ Zhang Yuxi បានប្រកាសថា នាងបានប្រមូលព័ស្តុតាងរឹងមាំ ហើយនឹងចាត់វិធានការតាមផ្លូវច្បាប់ដើម្បីការពារសិទ្ធិរបស់នាង។

អ្នកនិយមលេងអ៊ីនធឺណែតបានសម្តែងការគាំទ្រយ៉ាងលើសលប់ចំពោះ Zhang Yuxi ដោយថ្កោលទោសចំពោះអាកប្បកិរិយាហួសហេតុរបស់អ្នកគាំទ្រដែលឈ្លក់វង្វេង និងជំរុញឱ្យគាំទ្រមានហេតុផលជាជាងប្រើអំពើបង្កគ្រោះថ្នាក់ និងឈ្លានពាន៕