Yu Menglong បានស្លាប់នៅអាយុ ៣៧ ឆ្នាំបន្ទាប់ពីធ្លាក់ពីលើអគារខ្ពស់កាលពីថ្ងៃទី ១១ ខែកញ្ញា។ ប៉ូលិសបានច្រានចោលការចោទប្រកាន់ពីបទឧក្រិដ្ឋណាមួយ។ ក្រុមគ្រួសារ និងក្រុមហ៊ុនគ្រប់គ្រងរបស់លោកមិនបានធ្វើអត្ថាធិប្បាយអំពីមូលហេតុនៃការស្លាប់នោះទេ។ ព័ត៌មានអំពី Yu Menglong ទទួលបានការចូលមើលរាប់សិបពាន់លាននៅលើ Weibo ។ យ៉ាងណាមកទល់នឹងពេលនេះទស្សនិកជនជាច្រើននៅតែកើតចិត្តសង្ស័យចំពោះមរណភាពរបស់តារាសម្តែងរូបនេះ។.png)
អ្នកលេងអ៊ីនធឺណិតបានកត់សម្គាល់ថា ចុងក្រោយនេះមិនថានៅលើបណ្តាញសង្គម ឬនៅក្នុងព្រឹត្តិការណ៍មួយចំនួន Yu Menglong តែងតែបង្ហាញផ្នែកវិជ្ជមាន ដោយមិនបង្ហាញពីជំងឺ ឬការលំបាកឡើយ។ ប៉ុន្តែព័ត៌មានលម្អិតមួយចំនួនបានបង្កឱ្យមានការសង្ស័យក្នុងចំណោមអ្នកនិយមលេងអ៊ីនធឺណិត។.png)
រូបថតដែលគេចោទថាបានផ្សព្វផ្សាយពីគេហទំព័រមុនពេលប៉ូលិសបិទវាបង្ហាញពីស្នាមឆ្កូតនិងស្នាមនៅជុំវិញបង្អួច។ សំណាញ់ដែលដាក់នៅលើបង្អួចក៏ពិបាកក្នុងការយកចេញ បើសិនជាគ្មានឧបករណ៍ពិសេសទើបបន្ថែមឱ្យមានការសង្ស័យ។ ជាមួយគ្នានេះតារាសម្តែង Yu Menglong ក៏បានរាយការណ៍ថាមានការភ័យខ្លាចចំពោះកន្លែងខ្ពស់ៗផងដែរ។ ជាមួយនឹងអាជីពដែលកំពុងកើនឡើងរបស់ខ្លួន រួមទាំងកាលវិភាគនៅថ្ងៃបន្ទាប់ វាហាក់ដូចជាមិនទំនងជាតារាប្រុសរូបនេះនឹងធ្វើអត្តឃាត។ ចំណុចសង្ស័យទាំងនេះជាកត្តាដែលជះឥទ្ធិពលលើការសង្ស័យលើអ៊ីនធឺណិត។
Yu Menglong គឺជាតារាល្បីមួយរូប ដែលមានអ្នកគាំទ្រច្រើនជាង ២៦ លាននាក់ នៅលើ Weibo ។ ម្តងម្កាល លោកបង្ហោះរូបភាពខ្លួនកំពុងហាត់ប្រាណ សរសើរផ្កា ឬដើរលេងក្នុងជីវិតប្រចាំថ្ងៃ ដោយរាល់ការបង្ហោះនីមួយៗ ទទួលបានការ Comment ពីអ្នកទស្សនាជាង ១ម៉ឺននាក់។ ក្នុងការបង្ហោះក្នុងរយៈពេល២ខែកន្លងមកនេះ មានមហាជនជាច្រើនបានបញ្ចេញមតិថារូបលោកមើលទៅរាងស្គមជាងមុនដោយដាស់តឿនឱ្យតារាប្រុសរូបនេះថែរក្សាសុខភាព។
ជុំវិញមរណភាពរបស់ Yu Menglong អ្នកលេងបណ្តាញសង្គមមានភាពងឿងឆ្ងល់ខ្លាំងជាងគេគឺអ្នកនិពន្ធរឿង Ji Guangguang ព្រោះចាប់តាំងពីដំណឹងមរណភាពរបស់តារាប្រុសរូបនេះមកលោកបានលុបការបង្ហោះ ដាក់គណនីបណ្តាញសង្គមជាលក្ខណៈឯកជន ហើយមិនព្រមចេញមុខបញ្ជាក់ថាជាការពិតឬមិនពិតដែលលោកជាមនុស្សម្នាក់ក្នុងចំណោមអ្នកផ្សេងទៀតដែលមានការញុំាអាហារជាមួយនឹង Yu Menglong មុនពេលតារាប្រុសរូបនេះស្លាប់៕
