តារាល្បីៗជាច្រើនរូបអបអរសាទរនិងពោលថាស័ក្តិសមហើយដែល ហ្វីយ៉ាតា គ្រងមកុដ

តារាសម្តែង នី មុន្នីនាថ លោក អូវ៉ាគង់ សុភ័ក្រ កុសុម៉ា ប៊ី សុធារី អ៊ិន លក្ខិណា ទីនីន ហ៊ាទី និងអ្នកសិល្បៈជាច្រើនរូបទៀតបានសម្តែងក្តីអបអរទៅកាន់ជ័យជម្នះរបស់ ថៃ នារីសុជាតា ហៅ ហ្វីយ៉ាតា ក្នុងការក្លាយជាបវរកញ្ញាចក្រវាលកម្ពុជាឆ្នាំ២០២៥។ លើសពីនេះទៅទៀតមានមនុស្សជាច្រើនបានបង្ហាញថារូបនាងស័ក្តិសមសម្រាប់ការទទួលតំណែងនេះ។

កញ្ញា អ៊ិន លក្ខិណា បានបង្ហោះវីដេអូអមដោយក្តីរំភើបញាប់ញ័រជាមួយនឹង ប៊ី សុធារី អំឡុងពេលស្តាប់ការប្រកាសលទ្ធផលនៃការប្រកួត Miss Universe Cambodia 2025 ។ ជាលទ្ធផលដូចការរំពឹងទុករបស់មនុស្សជាច្រើន ហ្វីយ៉ាតា បានទទួលជ័យជម្នះ ខណៈ ប៊ី សុធារី និង អ៊ិន លក្ខិណា ជារឿយៗតែងតែផ្តល់កម្លាំងចិត្តដល់ម្ចាស់ជ័យលាភីនេះ។

តារាសម្តែង នី មុន្នីនាថ ក៏បានលើកឡើងនៅលើទំព័រហ្វេកប៊ុកថា «សូមចូលរួមត្រេកអរផងអូន ស័ក្តិសមបំផុត ចម្លើយពោរពេញទៅដោយថាមពលជាស្ត្រី ហ្វីយ៉ាតា»។ លោក អូលីវ៉ា គង់ បង្ហោះថា «និយាយស្មោះត្រង់ ស័ក្តិសមបំផុត ចម្លើយពោរពេញទៅដោយថាមពលជាស្ត្រី»។

ងាកមកកាន់ ទីនីន វិញក៏បានបញ្ចេញមតិយោបល់របស់ខ្លួនដែរថា «Fi yataត្រូវតែជាប់ ព្រោះភាសាបរទេសគាត់ច្បាស់ល្អ ទៅប្រលងនៅក្រៅប្រទេសអត់ខ្មាសគេ ។ បើយកស្អាតតែមួយមុខមិនគ្រប់គ្រាន់ទេ ធ្វើជា Queen ចំណេះដឹងពិតជាសំខាន់។ គាត់មានទាំងអស់ Talents និងសម្រស់»។ ចំណែក ហ៊ាទី វិញបានបង្ហោះដែរថា «នែ៎ នៅក្រៅស្អាតណាស់ ដូចក្រមួន ស័ក្តិសមណាស់ មកជាកញ្ចប់ម៉ង»។ ពិធីការិនីដ៏ល្បីឈ្មោះប្រចាំប្រទេស សុភ័ក្រ កុសម៉ា វិញក៏បានចូលរួមអបអរសាទរម្ចាស់មកុដថ្មីថ្មោងរូបនេះផងដែរ។

មានក្តីសុបិនតាំងពីតូច ហ្វីយ៉ាតា បានសម្រេចបំណងធំក្នុងឆាកជីវិតជាមួយនឹងការជ្រើសរើសផ្លាស់ប្តូរ និងប្រែការឈឺចាប់ទៅជាគោលបំណង។ គ្រងមកុដនៅរាត្រីថ្ងៃទី១២ ខែកញ្ញា ហ្វីយ៉ាតា នឹងត្រូវបំពេញភារៈកិច្ចបន្តពី ប្រាសាទ ដាវីន ក្នុងនាមជាអ្នកតំណាងប្រទេសឈរនៅលើឆាកអន្តរជាតិនាខែវិច្ឆិកា ឆ្នាំ២០២៥ ខាងមុខនេះ៕