V និង Jennie មានពាក្យចចាមអារ៉ាមស្នេហាសាជាថ្មី

ថ្មីៗនេះពាក្យចចាមអារ៉ាមអំពីទំនាក់ទំនងស្នេហារវាង Jennie សមាជិក Blackpink និង V សមាជិក BTS បានក្លាយជាចំណុចកណ្តាលនៃការចាប់អារម្មណ៍សាជាថ្មី ខណៈដែលអ្នកគាំទ្រជាច្រើនជឿថាតារាទាំងពីរប្រហែលបានធ្វើឱ្យស្នេហាចាស់របស់ពួកគេឆេះឡើងវិញ។

ពាក្យចចាមអារ៉ាមអំពីគូស្នេហ៍តារា K-Pop ល្បីឈ្មោះ V និង Jennie បានចាប់ផ្តើមនៅចុងឆ្នាំ ២០២១ នៅពេលដែល V ស្រាប់តែ Follow Jennie នៅលើ Instagram ក្នុងរយៈពេលខ្លី។ នៅឆ្នាំ២០២២ រូបថតជាច្រើនសន្លឹកដែលគេជឿថាបានថតនៅលើកោះ Jeju បានរីករាលដាល ធ្វើឱ្យមានការចាប់អារម្មណ៍កាន់តែខ្លាំងឡើង។ កម្រិតកំពូលគឺនៅក្នុងខែឧសភា ឆ្នាំ ២០២៣នៅពេលដែលអ្នកទាំងពីរត្រូវបានគេឃើញកាន់ដៃគ្នានៅទីក្រុងប៉ារីស ទោះបីជាក្រុមហ៊ុនគ្រប់គ្រងមិនបានបញ្ជាក់វាក៏ដោយ។

ថ្មីៗនេះ អ្នកគាំទ្រអន្តរជាតិជាច្រើនបានចង្អុលបង្ហាញ សញ្ញា នៅលើប្រព័ន្ធផ្សព្វផ្សាយសង្គមដូចជាការ Mention ពីអ្នកស្គាល់គ្នា ឬគ្រឿងបន្លាស់គូស្នេហ៍ ហើយថែមទាំងបានផ្សព្វផ្សាយព័ត៌មានថា Jennie បានទៅទីក្រុង Los Angeles ដើម្បីជួប V។ ទោះជាយ៉ាងណាក៏ដោយ អ្នកនិយមលេងអ៊ីនធឺណិតកូរ៉េមានការប្រុងប្រយ័ត្ន និងមានការសង្ស័យ។ មតិជាច្រើនលើកឡើងថា នេះគ្រាន់តែជាពាក្យចចាមអារ៉ាមចាស់ដែលត្រូវបានគេលើកឡើងវិញដើម្បីទាក់ទាញការចាប់អារម្មណ៍ប៉ុណ្ណោះ។

នៅលើវេទិកា អ្នកទស្សនាជាច្រើនបានពិភាក្សាគ្នា។ អ្នកនិយមលេងអ៊ីនធឺណិតមួយចំនួនបាននិយាយថា វាជារឿងធម្មតាទេសម្រាប់តារាសម័យនេះ៖ «ពួកគេក៏ជាមនុស្សដែរ ប្រាកដណាស់ពួកគេត្រូវស្រឡាញ់ដើម្បីឱ្យមានសុភមង្គល»។ មនុស្សមួយចំនួនថែមទាំងបានបញ្ចេញមតិថា៖ «ពួកគេមើលទៅល្អជាមួយគ្នា»។ បច្ចុប្បន្ននេះ ខាងក្រុមហ៊ុនគ្រប់គ្រងសិល្បករទាំងពីរគឺ Jennie និង V BTS នៅមិនទាន់ឆ្លើយតបចំពោះព័ត៌មានខាងលើនៅឡើយទេ៕