ផលិតករភាពយន្ត «Gen Z» ចេញមុខនិយាយទៅលើរឿងរបស់ Zhao Lusi

ជម្លោះរវាង Zhao Lusi និងក្រុមហ៊ុនគ្រប់គ្រង Galaxy Cool Entertainment នៅតែជាចំណុចសំខាន់នៃឧស្សាហកម្មកម្សាន្តរបស់ចិន។ តារាស្រីរូបនេះបានចោទក្រុមហ៊ុននេះថាបានគាបសង្កត់ និងបង្កការខូចខាតហិរញ្ញវត្ថុ និងសុខភាពដល់អ្នកសិល្បៈ។ ថ្មីៗនេះ សមាជិកនៃក្រុមផលិតរឿង «Gen Z» ដែលជារឿង Zhao Lusi ដើរតួសំខាន់ ចាក់ផ្សាយក្នុងឆ្នាំ ២០២៣ បាននិយាយចែករំលែកយោបល់របស់ខ្លួនផងដែរ។

ផលិតកររូបនេះបាននិយាយថាលោកយល់ថាហេតុអ្វីបានជាទស្សនិកជនមួយចំនួនមានប្រតិកម្មអវិជ្ជមានចំពោះ Zhao Lusi នៅពេលនេះ។ ដោយសារតែសកម្មភាព និងការបញ្ចេញមតិនាពេលថ្មីៗនេះរបស់នាងធ្វើឱ្យមហាជនយល់ថា នាងមិនដូចរូបភាពរបស់តារា ឬតារាសម្តែងធម្មតានោះទេ។ ទោះជាយ៉ាងណាក៏ដោយ ផលិតករជឿជាក់ថា ការលាតត្រដាងរបស់ក្រុមហ៊ុន Zhao Lusi ឬធ្វើឱ្យមានការភាន់ច្រឡំ មិនមែនដោយសារតែនាងមានបញ្ហាផ្លូវចិត្ត ឬមានចេតនាអ្វីផ្សេងនោះទេ ប៉ុន្តែជាការបង្ហាញពីភាពរឹងមាំរបស់នាងក្នុងការឈានចូលដំណាក់កាលថ្មី និងការរស់នៅសម្រាប់ខ្លួនឯង។

ផលិតកររូបនេះបានពន្យល់ថា នៅក្នុងឧស្សាហកម្មកម្សាន្ត ក្រុមហ៊ុនគ្រប់គ្រងតែងតែមានវិធីផ្ទាល់ខ្លួនដើម្បីគ្រប់គ្រងសិល្បករ។ បន្ទាប់ពីសហការគ្នាអស់ជាច្រើនឆ្នាំ ជម្លោះគឺជៀសមិនរួចទេ ព្រោះគ្រប់ក្រុមហ៊ុនចង់កេងចំណេញតម្លៃពីអ្នកសិល្បៈតាមដែលអាចធ្វើទៅបាន។សិល្បករដែលចង់គេចពីការគ្រប់គ្រងត្រូវតែលុបចោលកិច្ចសន្យា បង្កើតស្ទូឌីយ៉ូផ្ទាល់ខ្លួន។

គួរកត់សម្គាល់ថាផលិតករបានបង្ហើបថាកាលពីឆ្នាំ២០២៤ លោកបានទាក់ទង Zhao Lusi អំពីការអញ្ជើញឱ្យចូលរួមក្នុងខ្សែភាពយន្តថ្មី។ តារាស្រីរូបនេះក៏ចូលចិត្តគម្រោងនេះដែរ។
ប៉ុន្តែក្រោយមក ពេលដែលផលិតករនិយាយទៅកាន់វេទិកានោះ វេទិកាបាននិយាយថា គំនិតរបស់ Zhao Lusi មិនសូវសំខាន់ទេ ប៉ុន្តែយើងត្រូវបញ្ចុះបញ្ចូលអ្នកគ្រប់គ្រងរបស់នាង។សូម្បីតែផលិតករក៏ភ្ញាក់ផ្អើលដែរ ព្រោះថា Zhao Lusi ជាតារាល្បី ជាសសរស្តម្ភរបស់ក្រុមហ៊ុនតែមិនមានសិទ្ធិសម្រេចតួនាទីខ្លួនឯង។ លោកជឿថាការគ្រប់គ្រងរបស់ក្រុមហ៊ុនគឺជាមូលហេតុមួយដែលធ្វើឱ្យជម្លោះរវាងតារាស្រី និងក្រុមហ៊ុនផ្ទុះឡើង។

កន្លងមក ក៏មានផលិតករភាពយន្តបានរិះគន់ Galaxy Cool ដោយសារតែក្រុមហ៊ុនបានផ្លាស់ប្តូរតួឯកស្រីតាមអំពើចិត្ត ដែលកាលពីដើមបានយល់ព្រមឱ្យទៅ Zhao Lusi ។ រហូតដល់ពេលថតរឿងទើបផលិតករដឹងហើយត្រូវប្ដូរតួស្រីទៅជា Wang Ying Lu វិញ។ បន្ទាប់ពីការឆ្លើយតបដំបូងជាមួយនឹងសេចក្តីថ្លែងការណ៍ថាខ្លួនមិនបានបំពានលើកាតព្វកិច្ចកិច្ចសន្យារបស់ខ្លួន Galaxy Cool បានស្ងប់ស្ងាត់បន្តិចមកទល់ពេលនេះ។

កិច្ចសន្យារបស់ Zhao Lusi ជាមួយក្រុមហ៊ុនមានរយៈពេលរហូតដល់ឆ្នាំ ២០៣០ ដូច្នេះអ្នកខាងក្នុងឧស្សាហកម្មប៉ាន់ស្មានថា តារាស្រីរូបនេះ ប្រហែលជាត្រូវបង់ប្រាក់សំណងចំនួន ៤០០ លានយ័នប្រសិនបើនាងចង់បញ្ចប់កិច្ចសន្យាមុនថ្ងៃកំណត់ ៥ ឆ្នាំ៕