G-Dragon ត្រូវបានជម្រះពីការចោ.ទប្រកាន់របស់តន្រ្តីករម្នាក់

ថ្មីៗនេះប្រព័ន្ធផ្សព្វផ្សាយកូរ៉េបានរាយការណ៍ថាតន្ត្រីករម្នាក់បានដាក់ពាក្យប្តឹង G-Dragon លោក Yang Hyun Suk និងនាយកប្រតិបត្តិ YG Plus ពីបទ រំលោភសិទ្ធិអ្នកនិពន្ធ។ តន្ត្រីករនោះបានចោទប្រកាន់បុគ្គលខាងលើពីបទចម្លង និងប្រើប្រាស់ស្នាដៃដើមរបស់ខ្លួន ចេញផ្សាយក្នុងឆ្នាំ២០០១ដោយគ្មានការយល់ព្រមពីលោក។ របាយការណ៍ប្រព័ន្ធផ្សព្វផ្សាយបាននិយាយថា នៅថ្ងៃទី ១២ ខែសីហា ប៉ុស្តិ៍ប៉ូលិសក្នុងទីក្រុងសេអ៊ូល បានធ្វើការវាយឆ្មក់ចំនួនពីរលើការិយាល័យរបស់ YG និងសមាគមរក្សាសិទ្ធិតន្ត្រីកូរ៉េ (KOMCA) ដើម្បីប្រមូលព័ស្តុតាង។

ទោះជាយ៉ាងណាក៏ដោយ នៅថ្ងៃទី ១៤ ខែសីហា តាមរយៈទីភ្នាក់ងារសារព័ត៌មាន Dispatch បាននិយាយជាផ្លូវការដោយតំណាងសមាគមមួយរូបបាននិយាយថា «G-Dragon មិនមែនជាម្ចាស់កម្មសិទ្ធិនៃបទចម្រៀងនេះទេ។ វាពិបាកក្នុងការឱ្យលោកទទួលខុសត្រូវ» ។ ពីមុនជាបទចម្រៀងនៅក្នុងអាល់ប៊ុមចងក្រងហ៊ីបហប «2001 Korea Hip-Hop Flex»។ បទចម្រៀងនេះត្រូវបានរក្សាសិទ្ធិជាមួយសមាគមរក្សាសិទ្ធិតន្ត្រីកូរ៉េ ក្នុងឆ្នាំ ២០០១។ តន្ត្រីកររូបនោះត្រូវបានគេចាត់ទុកថាជាអ្នកតែង និងជាអ្នករៀបចំ។



ក្នុងឆ្នាំ ២០០៩ បទចម្រៀងនេះបានបង្ហាញខ្លួននៅលើអាល់ប៊ុមការប្រគំតន្ត្រីផ្ទាល់របស់ G-Dragon ក្រោមឈ្មោះ «My Age is 13» ។ តន្ត្រីករម្នាក់បានអះអាងថានេះជាការចម្លងដោយគ្មានការអនុញ្ញាត និងបានប្តឹង YG ពីបទរំលោភសិទ្ធិអ្នកនិពន្ធ។
ទោះជាយ៉ាងណាក៏ដោយ G-Dragon មិនបានបញ្ចេញឈ្មោះខ្លួនឯងថាជាម្ចាស់កម្មសិទ្ធិបទចម្រៀងនោះទេ។ នេះមានន័យថាលោកមិនជាប់ពាក់ព័ន្ធនឹងការចោទប្រកាន់ពីការរំលោភសិទ្ធិអ្នកនិពន្ធតន្ត្រីកនោះ ហើយ G-Dragon គ្រាន់តែច្រៀងបទនេះ កាលពី ឆ្នាំ២០០៩ប៉ុណ្ណោះ។



អ្នកតំណាង សមាគមរក្សាសិទ្ធិតន្ត្រីកូរ៉េ បានសង្កត់ធ្ងន់ថា «ចាប់តាំងពីគាត់ ( G-Dragon )មិនត្រូវបានបង់ថ្លៃសួយសារអាករ វានឹងពិបាកក្នុងការគិតប្រាក់»។ Dispatch បានពន្យល់បន្ថែមថា មូលហេតុដែលតន្ត្រីករនោះអះអាងថាបទចម្រៀងរបស់លោកត្រូវបានលួចចម្លងគឺដោយសារតែ YG បានផ្លាស់ប្តូរឈ្មោះបទចម្រៀងនៅក្នុងអាល់ប៊ុមប្រគំតន្ត្រីផ្ទាល់របស់ G-Dragon ក្នុងឆ្នាំ ២០១០៕

---