អនុព័ន្ធយោធាចំនួន៩ប្រទេស បានចុះពិនិត្យដោយផ្ទាល់នៅចំណុចទីតាំងដែលយោធាថៃបំផ្លិ.ចបំ.ផ្លាញ

ឧត្តរមានជ័យ៖ ក្រុមអនុព័ន្ធយោធាបរទេសប្រចាំនៅកម្ពុជា (MACPP) ចំនួន9ប្រទេស បានចុះពិនិត្យទីតាំងជាក់ស្តែងដែលរងការបំផ្លាញដោយការទម្លាក់គ្រាប់ (MK-84) និងគ្រាប់ផ្លោង របស់យោធាថៃ មកលើផ្ទះប្រជាពលរដ្ឋ ក្នុងអំឡុងពេលជម្លោះព្រំដែនកម្ពុជា-ថៃ នៅ ភូមិថ្មដូន ឃុំគោកមន ស្រុកបន្ទាយអំពិល ខេត្តឧត្តរមានជ័យ។ នេះបើយោងតាមក្រសួងការពារជាតិកម្ពុជា។

នៅរសៀលថ្ងៃអាទិត្យទី10 ខែសីហា ឆ្នាំ2025 ក្រុមអនុព័ន្ធយោធាបរទេសប្រចាំកម្ពុជា មកពី9ប្រទេស រួមមាន ៖ អូស្ត្រាលី អង់គ្លេស កាណាដា ចិន បារាំង ជប៉ុន កូរ៉េខាងត្បូង ឡាវ វៀតណាម បានចុះទៅកាន់ខេត្តឧត្តរមានជ័យ ដើម្បីពិនិត្យស្ថានភាពជាក់ស្តែងពីវិនាសកម្ម នៃហេដ្ឋារចនាសម្ព័ន្ធ វត្តអារាមសាលារៀន មន្ទីរពេទ្យ និងលំនៅដ្ឋានរបស់ប្រជាពលរដ្ឋ ដែលរងការបំផ្លិចបំផ្លាញដោយគ្រាប់ផ្លោង គ្រាប់ទម្លាក់ពីយន្តហោះ F16 របស់ទាហានឈ្លានពានថៃនៅតាមព្រំដែនកម្ពុជា-ថៃ ក្នុងអំឡុងពេលជម្លោះរយៈពេល 6ថ្ងៃ 5យប់។

ក្នុងឱកាសដែលចុះទៅត្រួតពិនិត្យលើទីតាំងដែលរងការខូចខាតដោយសារសង្រ្គា.មនេះ អនុព័ន្ធបរទេសទាំងអស់បានបង្ហាញនូវអារម្មណ៍សោ.កស្ដាយចំពោះការបាត់បង់ដែលរួមមាន អាយុជីវិតទាហាន និងជនសុីវិល ផ្ទះសម្បែងរបស់ប្រជាពលរដ្ឋ និងផលប៉ះពាល់នានាដែលបានកើតមានដោយសារតែជម្លោះប្រដាប់អាវុ.ធនេះ។

ស្របពេលជាមួយគ្នានេះដែរ លោក មាន ចាន់យ៉ាដា អភិបាលខេត្តឧត្តរមានជ័យ បានអំពាវនាវដល់ក្រុមអនុព័ន្ធយោធាទាំង 9ប្រទេស សូមធ្វើជាសាក្សី ធ្វើយ៉ាងណាឱ្យបទឈប់បា.ញ់រវាងកម្ពុជានិងថៃចូលជាធរមានយ៉ាងមានប្រសិទ្ធភាព ដើម្បីឱ្យប្រជាពលរដ្ឋ អាចវិលត្រឡប់មកប្រក្រតីភាព នៃជីវភាពរស់នៅរបស់ពួកគាត់វិញ។

គួរជម្រាបថា សោ.កនា.ដកម្ម ដែលកើតចេញពីការឈ្លានពានរបស់ថៃ ដោយប្រើប្រាស់នូវសព្វាវុ.ធធនធ្ងន់ជាច្រើនដូចជា៖ គ្រាប់បែកចង្កោម យុទ្ធភ័ណ្ឌមិនទាន់ផ្ទុះ គ្រាប់បែ.កត្រកូលMK យន្តហោះចម្បាំងF16 និងកាំភ្លើងធំជាដើម មិនត្រឹមតែឆក់យកជីវិតរបស់កងកម្លាំងកម្ពុជាប៉ុណ្ណោះទេ ប៉ុន្តែថែមទាំងធ្វើឲ្យប្រជាពលរដ្ឋស្លា.ប់ចំនួន ០5នាក់ ប៉ះពាល់ដល់ផ្ទះគ្រួសារកងទ័ពចំនួន 75ខ្នងផ្ទះ ផ្ទះប្រជាពលរដ្ឋចំនួន 156ខ្នង សំណង់សាធារណៈ ផ្លូវថ្នល់ សាលារៀន និងយានជំនិះប្រជាជនជាច្រើនគ្រឿងផងដែរ៕