ឧត្តរមានជ័យ៖ អង្គភាពសុីម៉ាក់កាលពីថ្ងៃទី4 ខែសីហា ឆ្នាំ2025 បានចុះត្រួតពិនិត្យលំអិតគ្រាប់បែ.ក MK-84 និងប្រទះឃើញថ្ងៃខែឆ្នាំផលិត ដែលជាភស្តុតាងដ៏សំខាន់មួយក្នុងការបញ្ជាក់ថា គ្រាប់នោះគឺជាគ្រាប់ថ្មី ពុំមែនជាគ្រាប់ចាស់ដែលសល់ពីសម័យសង្រ្គា.មលោកលើកទី២ ដូចការអះអាងរបស់ថៃនោះទេ។
យោងតាមការបង្ហោះរបស់លោក ហេង រតនា អគ្គនាយកអង្គភាពសុីម៉ាក់បានឲ្យដឹងថា នៅថ្ងៃចន្ទ ទី04 ខែសីហា ឆ្នាំ2025 នៅទីតាំងគ្រាប់បែកMK-84 ស្ថិតនៅភូមិថ្មដូន ឃុំគោកមន ស្រុកបន្ទាយអំពិល ខេត្តឧត្តរមានជ័យ ក្រុមជំនាញគ្រាប់បែ.កទម្លាក់របស់អង្គភាពសុីម៉ាក់ អង្គការGolden West និងអង្គការNPA (Norwegian People Aid) បានចុះត្រួតពិនិត្យបច្ចេកទេសគ្រាប់បែ.កនេះជាលំអិត ដោយបានបញ្ជាក់ថា គ្រាប់បែកMK-84នេះ មានលេខLot No. IMI 96G015-11 និងផលិតក្នុងឆ្នាំ1996! ។
លោក ហេង រតនា បានបន្តថា៖ ប្រធានអង្គការGolden West ប្រចាំកម្ពុជានិងជាអតីតៈកងទ័ពម៉ារីនសហរដ្ឋអាមេរិកខាងជំនាញគ្រាប់យុទ្ធភណ្ឌ ជាជំនាញខាងគ្រាប់បែកទម្លាក់ពីយន្តហោះនៃប្រទេសក្នុងតំបន់នេះ បានចូលរួមកំណត់លក្ខណៈបច្ចេកទេសគ្រាប់បែកMK-84នេះ ក៏បានបញ្ជាក់អំពីអត្តសញ្ញាណគ្រាប់បែកMK-84នេះផលិតនៅឆ្នាំ1996 និងមានការសន្និដ្ឋានថា យោធាថៃទំនងជាបានទិញវាពីក្រុមហ៊ុនIMI (Israel Military Industries)របស់អុីស្រាអ៊ែលបានទទួលសិទ្ធផលិតនិងលក់គ្រាប់បែកត្រកូលMKនេះ។.jpg)
លោក ហេង រតនា បានសង្កត់ធ្ងន់ថា៖ គ្រាប់បែកMK-84 នេះផលិតក្នុងឆ្នាំ1996 ដូចនេះវាមិនអាចជាគ្រាប់បែកសំណល់ពីការទម្លាក់គ្រាប់បែកក្នុងសម័យសង្គ្រាមឆ្នាំ1970-1973 កេីតទេ!! ខ្ញុំមានជំនឿយ៉ាងមុតមាំថា ពិភពលោកយល់ច្បាស់ណាស់អំពីរឿងនេះ! ។
គួររំលឹកថា បន្ទាប់ពីសង្រ្គាមរយៈពេល5ថ្ងៃរវាងកម្ពុជា និង ថៃបានបញ្ចប់ទៅ អង្គភាពសុីម៉ាក់បានធ្វើការចុះត្រួតពិនិត្យឃើញមានរណ្ដៅគ្រាប់ដែលបានផ្ទុះ និងគ្រាប់បែ.កទម្លាក់ដែលមិនទាន់ផ្ទុះសរុបចំនួន 9ទីតាំង មានទាំងនៅតាមមូលដ្ឋានជនសុីវិល និងវត្តអារាម ដែលជាស្នាដៃទម្លាក់ដោយកងទ័ពអាកាសថៃ។
ប៉ុន្តែបើទោះជាបានរកឃើញបែបនេះក្ដី ក៏ភាគីថៃនៅតែបដិសេធម្ដងហើយម្ដងទៀត ថាខ្លួនមិនបានវា.យប្រហារលើមូលដ្ឋានជនសុីវិលនោះទេ ហើយគ្រាប់ដែលកម្ពុជាទើបរកឃើញនោះគឺជាគ្រាប់ចាស់សល់ពីសម័យសង្រ្គា.មជាង50ឆ្នាំមុន ដែលអាចជាកម្មសិទ្ធិអាមេរិកមិនមែនជារបស់ថៃទេ។ យ៉ាងណាក៏ដោយ ខណៈសុីម៉ាក់បានរកឃើញថ្ងៃខែឆ្នាំផលិតច្បាស់ៗដែលបញ្ជាក់បានថាវាជាគ្រាប់ថ្មីបែបនេះ យើងមានតែរង់ចាំមើលថាតើថៃនឹងធ្វើការឆ្លើយតប ឬដោះសារយ៉ាងម៉េចទៀត?
