(ភ្នំពេញ)៖ ក្រោយជំនួបនៃម្ចាស់អាជីវកម្មទិញសិទ្ធិប្រេងឥន្ទនៈ ភីធីធី (ខេមបូឌា) នៅថ្ងៃទី4 ខែសីហា ឆ្នាំ2025 លោក ទៀ ស្យាម តំណាងអ្នកទិញសិទ្ធប្រេន PTT នៅកម្ពុជា បានប្រកាសជាផ្លូវការថា ស្ថានីយប្រេងឥន្ធន: PTT នឹងត្រូវឈ្មោះទៅជា Peace ដែលមានន័យជាភាសាខ្មែរថា «សន្តិភាព»។
យោងតាមទំព័រហ្វេសប៊ុករបស់លោក ទៀ ស្យាម កាលពីល្ងាចថ្ងៃអាទិត្យទី3 ខែសីហាបានបង្ហោះថា៖ “ស្លាកត្រូវតែទម្លាក់ ផ្លូវច្បាប់ត្រូវតែគិត” ម្ចាស់អាជីវកម្មទិញសិទ្ធិប្រេនប្រេងឥន្ទនៈ ភីធីធី (ខេមបូឌា) ភាគច្រើន បានសម្រេចចិត្តប្រគល់សិទ្ធិជូនខ្ញុំ ជាតំណាងផ្លូវការដើម្បីរំលាយកិច្ចសន្យាតំណាងចែកចាយរវាងម្ចាស់ស្ថានីយប្រេងឥន្ធនៈ ភីធីធី និងក្រុមហ៊ុន PTT Cambodia ។ 
ក្រោយមក នៅរសៀលថ្ងៃទី4 ខែសីហា លោក ទៀ ស្យាម ក៏បានបង្ហោះសារមួយបន្ថែមទៀត បង្ហាញពីការសម្រេចចិត្តជាផ្លូវការក្នុងការរុះរើទម្លាក់ឈ្មោះស្ថានីយ ភីធីធី (PTT) ដោយប្ដូរទៅជា ភីស (Peace) មានអត្ថន័យជាភាសាខ្មែរថា «សន្តិភាព» ជំនួសវិញ។ ក្នុងនោះលោកបានសរសេថា ឈ្មោះដែលបង្កប់ដោយរយលានអត្ថន័យ !
.jpg)
ក្រៅពីប្ដូរឈ្មោះ ចំពោះពណ៌ និងនិមិត្តសញ្ញារបស់ស្ថាននីយឥន្ធនៈ ភីស ក៏ត្រូវបានផ្លាស់ប្ដូរផងដែរ។ លោកបានធ្វើការពន្យល់ថា៖
-ពណ៌ក្រហម ជាពណ៌មួយក្នុងទង់ជាតិខ្មែរ ដែលតំណាងទឹកដីកម្ពុជា ប្រៀបបានដូចសញ្ជាតិរបស់ប្រេនដែលបង្កើតដោយកូនខ្មែរ ។
-ពណ៌សរ ឆ្លុះបញ្ជាំងពីភាពបរិសុទ្ធ សុភាព ស្មោះត្រង់ និងសន្តិភាព ប្រៀបបានដូចជាអត្តចរិករបស់ប្រជាពលរដ្ឋខ្មែរដែលស្រលាញ់សន្តិភាព និងមានចរិកស្មោះត្រង់ ។
-ពណ៌ទឹកប៊ិច ឆ្លុះបញ្ជាំងពីភាពរឹងមាំ ទំនុកចិត្ត និងនិរន្តរន៍ភាព ប្រៀបដូចជាការប្តេជ្ញារបស់ប្រេនដែលនឹងផ្តល់ជូននូវសេវាកម្មប្រកបដោយស្តង់ដា គុណភាព និងទំនុកចិត្តដ៏រឹងមាំជូនអតិថិជន។
-សត្វព្រាប ឆ្លុះបញ្ជាំងពី សេរីភាព និងសន្តិភាពប្រៀបបានដូចជាការប្រកាសឯករាជ្យរបស់ក្រុមហ៊ុនPPC ។
-ពណ៌មាស ឆ្លុះបញ្ជាំងពីភាពត្រចះត្រចង់ និងឧត្តមគតិដែលនឹងហោះឡើងដោយភាពរុងរឿងរបស់កូនខ្មែរ។
គួរជម្រាបថា ការផ្លាស់ប្ដូរនេះបានបង្ហាញពីការរួបរួមកម្លាំងសម្រេចចិត្តបង្កើតប្រេនថ្មី ដែលជាប្រេនខ្មែរ ជាស្នាដៃបង្កើតដោយកូនខ្មែរ និងមានកំរិតស្តង់ដាខ្ពស់ ក្នុងស្មារតីស្រលាញ់ជាតិខ្មែរ ដែលនឹងមកដល់ក្នុងពេលឆាប់ៗនេះ៕
