Song Hye Kyo បង្ហាញពីទំនាក់ទំនងជិតស្និទ្ធជាមួយអ្នកជំនួញល្បីម្នាក់

តារាសម្តែងជួរមុខប្រចាំប្រទេសកូរ៉េខាងត្បូង Song Hye Kyo បានធ្វើឱ្យមនុស្សជាច្រើន ភ្ញាក់ផ្អើលជាមួយនឹងទំនាក់ទំនងជិតស្និទ្ធរបស់នាងជាមួយអ្នកជំនួញដ៏ល្បីម្នាក់ក្នុងវិស័យសេដ្ឋកិច្ច។

ថ្មីៗនេះ Song Hye Kyo បានចែករំលែករូបថតនៃសៀវភៅដែលមានហត្ថលេខាផ្ទាល់ខ្លួនដែលនាងទទួលបានពី លោក Park Yong Man ដែលជាអតីតប្រធានក្រុមហ៊ុន Doosan Group ដែលរួមមានសារសរសេរដោយដៃផ្ទាល់ថា «Hye Kyo ព្យាយាមឱ្យអស់ពីសមត្ថភាពសម្រាប់ថ្ងៃនេះ ព្រោះថ្ងៃស្អែកត្រូវបានបង្កើតពីថ្ងៃនេះ» ។
តារាស្រីរូបនេះបានឆ្លើយតបវិញថា៖ «អរគុណដែលតែងតែជាកម្លាំងចិត្តរបស់ខ្ញុំ»។

ការបង្ហោះរបស់ Song Hye Kyo បានធ្វើឱ្យអ្នកទស្សនាជាច្រើនភ្ញាក់ផ្អើលអំពីទំនាក់ទំនងដ៏ទូលំទូលាយរបស់នាងជាមួយ ឥស្សរជនល្បីឈ្មោះដែលមានឥទ្ធិពលនៅក្នុងវិស័យសេដ្ឋកិច្ច។
លោក Park Yong Man បានបម្រើការរហូតដល់ឆ្នាំ ២០២១ជាប្រធានសភាពាណិជ្ជកម្ម និងឧស្សាហកម្មកូរ៉េនៃ Doosan Group ដែលជាក្រុមហ៊ុនកូរ៉េដ៏ធំ និងយូរអង្វែង ជាពិសេសនៅក្នុងវិស័យថាមពល និងឧស្សាហកម្មធុនធ្ងន់។
នេះមិនមែនជាលើកទីមួយទេដែល Song Hye Kyo បង្ហាញទំនាក់ទំនងជិតស្និទ្ធរបស់នាងជាមួយលោក Park Yong Man ។ នៅឆ្នាំ ២០២១ លោកបានផ្តល់ឱ្យ Song Hye Kyo ពីការប្រមូលកំណាព្យដំបូងរបស់លោក។ នៅពេលនោះ Song Hye Kyo បានបង្ហោះរូបថតមួយសន្លឹកលើបណ្ដាញសង្គមដោយមានចំណងជើងថា «អរគុណ»។

គួរបញ្ជាក់ផងដែរថា Song Hye Kyo កំពុងត្រៀមខ្លួនត្រឡប់មកវិញជាមួយនឹងតួឯកក្នុងរឿងភាគថ្មីរបស់ Netflix មានចំណងជើងថា «Slowly and Intensely »។ នេះជាការសហការគ្នាលើកទី៣រវាងតារាស្រីកើតឆ្នាំ១៩៨១ រូបនេះនិងអ្នកនិពន្ធរឿងល្បីឈ្មោះ Noh Hee Kyung បន្ទាប់ពីរឿង «The World They Live In» (២០០៨) និងរឿង «That Winter, the Wind Blows» (ឆ្នាំ ២០១៣)។

«Slowly and Intensely» ត្រូវបានកំណត់នៅក្នុងឧស្សាហកម្មកម្សាន្តកូរ៉េក្នុងកំឡុងទសវត្សរ៍ឆ្នាំ ១៩៦០ និង ១៩៨០ដោយពណ៌នាអំពីរឿងរ៉ាវនៃមនុស្សជំនាន់ក្រោយដែលគ្មានអ្វីសោះ ប៉ុន្តែនៅតែព្យាយាមអស់ពីសមត្ថភាពដើម្បីបន្តភាពជោគជ័យ។

Song Hye Kyo ដើរតួជា Min Ja ជាស្ត្រីដែលធន់ទ្រាំនឹងកុមារភាពដ៏លំបាក។ ស្វែងរកឱកាសក្នុងឧស្សាហកម្មតន្ត្រីកូរ៉េ នាងប្រថុយប្រថាន និងបោះជំហានយ៉ាងក្លាហានដើម្បីបន្តក្តីសុបិនរបស់នាង។
ក្រៅពី Song Hye Kyo ភាពយន្តនេះមានតារាល្បីៗចូលរួមផ្សេងទៀតដូចជា Gong Yoo, Cha Seung Won និង Lee Ha Nee ជាដើម។ រឿងនេះត្រូវបានគេរំពឹងថានឹងចាក់ ផ្សាយនៅឆ្នាំ ២០២៦៕