Lisa សុខចិត្តជ្រើសរើសប្រទេសកូរ៉េមិនជ្រើសរើសប្រទេសថៃ

ក្នុងអំឡុងពេលបង្ហាញខ្លួនក្នុងកម្មវិធីវិទ្យុនៅសហរដ្ឋអាម៉េរិក Lisa សមាជិក Blackpink ត្រូវបានសួរអំពីប្រទេសដែលនាងចាត់ទុកជាស្រុកកំណើតរបស់នាងដោយ Lisa បានជ្រើសរើសយកប្រទេសកូរ៉េ។ ចម្លើយរបស់តារាចម្រៀង Kpop ដើមកំណើតថៃរូបនេះ បានធ្វើឱ្យមានបញ្ហាចម្រូងចម្រាសទាញការបញ្ចេញមតិវែកញែកជាច្រើនពីប្រជាជនថៃ។

នៅក្នុងកម្មវិធីពិធីករបានសួរ Lisa ថា «ក្នុងនាមជាអ្នកតារាចម្រៀង ទោល អ្នកសកម្មនៅទូទាំងពិភពលោក និងធ្វើដំណើរជុំវិញពិភពលោក។ តើកន្លែងណាដែលមានអារម្មណ៍ដូចជាផ្ទះរបស់អ្នក ថៃ ឬកូរ៉េ?។ តារាចម្រៀងរូបនេះបានឆ្លើយដោយមិនស្ទាក់ស្ទើរថា៖ «ពិតជាកូរ៉េមែន»។

អ្នកលេងអ៊ីនធឺណិតថៃមានប្រតិកម្មចម្រុះចំពោះចម្លើយរបស់ Lisa។ យ៉ាងណាមិញ មានមនុស្សជាច្រើនបានសម្ដែងការយល់ចិត្តចំពោះជម្រើសរបស់តារាចម្រៀងរូបនេះ។
Lisa ជាសមាជិកបរទេសនៃក្រុម BLACKPINK មកពីប្រទេសថៃ។ បន្ទាប់ពីធ្វើការ និងរស់នៅប្រទេសកូរ៉េ អស់រយៈពេលជាច្រើនឆ្នាំមក ពេលនេះតារាចម្រៀងស្រីរូបនេះ មានសិទ្ធិទៅរស់នៅអចិន្ត្រៃយ៍ក្នុងប្រទេសមួយនេះក្នុងនាមជាអ្នករស់នៅអចិន្ត្រៃយ៍ស្របច្បាប់។
“
អ្នកគាំទ្របានបញ្ចេញមតិថា «នាងនឹងមិនអាចក្លាយជាតារាចម្រៀងលំដាប់ពិភពលោកបានទេ ប្រសិនបើនាងមិនបានមកប្រទេសកូរ៉េ”; “នាងធំឡើង ហើយចំណាយពេលស្ទើរតែពេញមួយជីវិតរបស់នាងនៅក្នុងប្រទេសកូរ៉េ ដូច្នេះវាអាចយល់បាន”; “ប្រសិនបើនាងជ្រើសរើសប្រទេសថៃ វានឹងត្រូវបានគេមើលឃើញថាមិនអើពើចំពោះការរួមចំណែករបស់ YG និងកូរ៉េ។ ទោះយ៉ាងណាជនជាតិថៃជាច្រើនបានបង្ហាញការមិនពេញចិត្តចំពោះចម្លើយរបស់ Lisa។

ក្នុងឆ្នាំ ២០១០ Lisa បានប្រលងជាប់នៅYG ។ មួយឆ្នាំក្រោយមក នៅអាយុ ១៤ ឆ្នាំ នាងបានផ្លាស់ទៅកូរ៉េ ហើយក្លាយជាអ្នកហ្វឹកហាត់ផ្លូវការរបស់ YG ។
បន្ទាប់ពីការហ្វឹកហ្វឺនរយៈពេល ៥ ឆ្នាំ Lisa បានបង្ហាញខ្លួនជាលើកដំបូងក្នុងនាមជាសមាជិកនៃក្រុមចម្រៀងនារី K-pop Blackpink ក្នុងឆ្នាំ២០១៦ ជាមួយនឹង Jisoo, Jennie និង Rosé។ នាងជាអ្នករ៉េប និងជាអ្នករាំនាំមុខរបស់ក្រុម។

Blackpink បានទទួលជោគជ័យជាបន្តបន្ទាប់ក្នុងរយៈពេល ៩ ឆ្នាំចុងក្រោយនេះ ហើយឥឡូវនេះគឺជាក្រុមចម្រៀងនារីដ៏ល្បីល្បាញទូទាំងពិភពលោក។
Lisa បានប្រឹងប្រែងយ៉ាងខ្លាំងតាំងពីនាងជាអ្នកហ្វឹកហាត់។ ទោះបីជាត្រូវផ្លាស់ទៅប្រទេសផ្សេង និងជួបប្រទះការលំបាក និងឧបសគ្គភាសាជាច្រើនក្នុងអំឡុងពេលហ្វឹកហាត់ក៏ដោយក៏ Lisa តែងតែបង្ហាញការខិតខំប្រឹងប្រែងឥតឈប់ឈរ និងបង្ហាញពីទេពកោសល្យរបស់នាង៕