ប្រឡូកក្នុងវិស័យបវរកញ្ញាច្រើនឆ្នាំទីបំផុត Ahtisa គ្រងមកុដបវរកញ្ញាចក្រវាលហ្វីលីពីន២០២៥

ឈរលើវិស័យប្រកួតបវរកញ្ញាជាច្រើនឆ្នាំទីបំផុត Maria Ahtisa Manalo បានឈ្នះមកុដបវរកញ្ញាចក្រវាលហ្វីលីពីនឆ្នាំ២០២៥ ហើយនឹងតំណាងប្រទេសប្រកួតនៅលើឆាកអន្តរជាតិនៅឯប្រទេសថៃនាពេលខាងមុខនេះ។

នៅយប់ផ្តាច់ព្រ័ត្រថ្ងៃទី ២ ខែឧសភា Ahtisa បានសម្រក់ទឹកភ្នែកបន្ទាប់ពីឮឈ្មោះរបស់នាងនិងខេត្តដែលនាងតំណាងក្នុងការប្រកួតឈ្នះ ហើយក៏ទទួលបានសិទ្ធិចូលរួមក្នុងកម្មវិធី Miss Universe 2025 ផងដែរ។ មុននឹងគ្រងមកុដនេះ Ahtisa បានចូលរួមប្រកួតបវរកញ្ញាជាច្រើនដង។ Ahtisa កើតនៅទីក្រុង Candelaria រដ្ឋ Quezon បានបញ្ចប់ថ្នាក់បរិញ្ញាបត្រផ្នែកគណនេយ្យ ហើយបច្ចុប្បន្នកំពុងបន្តអាជីពជាតារាម៉ូដែល។ Ahtisa Manalo មានកម្ពស់ ១.៧៣ម៉ែត្រ ហើយត្រូវបានគេហទំព័រកែសម្ផស្សជាច្រើនបញ្ចេញមតិថា មានរូបរាងកាយដ៏ទាក់ទាញ និងស្នាមញញឹមភ្លឺថ្លា។ នាងបានចូលរួមក្នុងកម្មវិធីប្រកួតសម្រស់ក្នុងស្រុក និងក្រៅស្រុកជាច្រើន ។

Ahtisa បានជាប់លំដាប់រងទី៣ Miss Philippines 2018 បន្ទាប់មកបានចូលរួមក្នុងកម្មវិធី Miss International 2018 នៅប្រទេសជប៉ុន ហើយទទួលបានចំណាត់ថ្នាក់លំដាប់រងទី១ ។ នៅឆ្នាំ ២០២៤ បន្ទាប់ពីចូលរួមប្រកួតបវរកញ្ញាចក្រវាលហ្វីលីពីនឆ្នាំ២០២៤ ជាប់លំដាប់រងទី២ នាងបានចេញទៅប្រកួត Miss Cosmo ដោយជាប់ចំណាត់ក្នុងបញ្ជីTOP10 ។ មនុស្សជាច្រើនសរសើរនាងចំពោះការខិតខំប្រឹងប្រែងនិងហ៊ានបន្តក្តីសុបិនទាល់តែទទួលបានជ័យជម្នះ។

នៅក្នុងការប្រកួតវគ្គផ្តាច់ព្រ័ត្រ Ahtisa បានជំពប់ដួលក្នុងឈុតរាត្រីស្រមោលស ប៉ុន្តែបានដោះស្រាយវាដោយស្ងប់ស្ងាត់។ ក្នុងអំឡុងពេលប្រកួតប្រជែងឆ្លើយសំណួរក្នុងវគ្គ TOP6 នាងបានទទួលសំណួរមួយដែលមានខ្លឹមសារថា មានមតិមួយថាអ្នកដឹកនាំល្អត្រូវតែដឹងពីរបៀបដឹកនាំដោយសកម្មភាព ហើយធ្វើជាគំរូ។ ប្រាប់យើងអំពីព្រឹត្តិការណ៍នៅក្នុងជីវិតរបស់អ្នកជុំវិញការក្លាយជាគំរូសម្រាប់មនុស្សគ្រប់គ្នា និងឥទ្ធិពលនៃសកម្មភាពនោះ?»។

Ahtisa បាននិយាយថា «ខ្ញុំទើបតែធ្លាក់លើឆាកកាលពីប៉ុន្មាននាទីមុននេះ អ្វីដែលសំខាន់សម្រាប់ខ្ញុំបន្ទាប់ពីធ្លាក់រាល់ដងគឺត្រូវដឹងពីរបៀបត្រឡប់មកវិញកាន់តែរឹងមាំ។ កាលពីឆ្នាំមុនខ្ញុំបានឈរនៅលើឆាកនេះហើយជាលើកទីពីរ ខ្ញុំឈរនៅទីនេះដោយខិតខំប្រឹងប្រែងអស់ពីសមត្ថភាពដើម្បីក្លាយជាបវរកញ្ញាចក្រវាលហ្វីលីពីន ព្រោះនោះជាក្តីស្រមៃរបស់ខ្ញុំ និងជីដូនរបស់ខ្ញុំដែលបានទទួលមរណៈភាពកាលពីដើមឆ្នាំនេះ។ ហើយនេះគឺជាអ្វីដែលខ្ញុំផ្តល់ឱ្យអ្នក»។

គួរឱ្យដឹងថា Ahtisa មានអាយុ២៨ឆ្នាំ នាងនឹងធ្វើដំណើរទៅប្រទេសថៃក្នុងខែវិច្ឆិកា ដើម្បីចូលរួមប្រកួតបវរកញ្ញាចក្រវាលលើកទី ៧៤។ ក្នុងប្រវត្តិសាស្ត្រនៃការប្រកួតបវរកញ្ញាចក្រវាល បេក្ខនារីហ្វីលីពីនតែងតែត្រូវបានចៅក្រម និងអ្នកជំនាញខាងសម្រស់កោតសរសើរយ៉ាងខ្លាំង។ ក្នុងប្រវត្តិសាស្រ្តហ្វីលីពីនមានបវរកញ្ញាតំណាងពីររូបបានគ្រងមកុដក្នុងការប្រកួតកម្មវិធីនេះ៕