វីដេអូខ្លីៗដែលបានចែករំលែកនៅលើបណ្តាញសង្គមរបស់តារាចម្រៀងនិងសម្តែង ព្រីន បានធ្វើឱ្យមានការចាប់អារម្មណ៍យ៉ាងខ្លាំង។ យ៉ាងណាសកម្មភាពដែលលោកដោះអាវបញ្ចេញសាច់ដុំឡើងច្រៀងនៅលើឆាកមានទាំងការរិះគន់ពីអ្នកមួយចំនួនហើយអ្នកដែលដឹងរឿងក៏បានសរសើរវិញដែលលោកមានភាពឆ្លាតវៃយកអាវមកបាំងខោដែលរហែកដើម្បីបន្តការសប្បាយដល់អ្នកចូលរួម។
កាលពីថ្ងៃទី១៨ មេសា ព្រីន បានចែករំលែកវីដេអូការសម្តែងរបស់ខ្លួននៅថ្ងៃចូលឆ្នាំខ្មែរកន្លងមកថ្មីៗនេះហើយវាបានបង្កឱ្យមានការចាប់អារម្មណ៍មានការពិភាក្សាអំពីខ្លួនលោកនៅថ្ងៃសម្តែងលើឆាកតន្រ្តី។ អ្នកខ្លះក៏បានចាប់អារម្មណ៍ថាមានរឿងអ្វីកើតឡើងចំពោះ ព្រីន ។ មួយផ្នែកទៀតដែលមិនសូវជាមានការចាប់អារម្មណ៍ក៏បានបញ្ចេញមតិរិះគន់ដែលលោកជាតារាចម្រៀងម្នាក់ដោះបញ្ចេញសាច់ដុំរូបរាងស៊ិចស៊ីនៅចំពោះមុខទស្សនិកជន។
យ៉ាងណា ព្រីន ក៏បានបញ្ជាក់នៅលើវីដេអូដែលថាគឺលោកមានបញ្ហាខោរហែកទាំងកំពុងច្រៀងពីក្រោយដល់មុខ។ វីដេអូខ្លីមួយទៀត ព្រីន គឺបានបង្ហាញនៅលើចំណងជើងនៃវីដេអូតែម្តងថាសំលៀកបំពាក់ខឹងម្ចាស់រហែកខោតាំងពីបទទី១។ ក្នុងសកម្មភាពនោះ បន្ទាប់ពីដឹងថាខ្លួនឯងមានការរហែកខោ ព្រីន បានកែប្រែស្ថានការណ៍ភ្លាមៗគឺដោះអាវរបស់ខ្លួនមកចងនៅនឹងចង្កេះបិទបាំងកន្លែងមានបញ្ហាហើយបន្តការសម្តែងរបស់ខ្លួនទៅមុខទៀត។
វីដេអូសកម្មភាពច្បាស់ៗរបស់លោកគឺផ្ទុះការទស្សនាយ៉ាងខ្លាំងរហូតមានការចូលមើលលើសពី១០លានដង។ ជាមួយគ្នានេះ អ្នកលេងបណ្តាញសង្គមមួយចំនួនដែលមិនបានដឹងរឿងក៏បញ្ចេញមតិប្រតិកម្មចំពោះសកម្មភាពដោះអាវលោក ចំណែកអ្នកដែលដឹងរឿងក៏បានកោតសរសើរ ព្រីន ដែលមានភាពវៃឆ្លាតដោះស្រាយបញ្ហាប្រឈមនៅនឹងមុខ។
.png)
គួរឱ្យដឹងថាកំលោះសង្ហា ព្រីន បានរយាលពីវិស័យភាពយន្តអស់រយៈពេលជាយូរមកហើយដោយលោកផ្តោតសំខាន់លើអាជីពចម្រៀងវិញហើយក៏ទទួលបានការឆ្លើយតបល្អគួរឱ្យកត់សម្គាល់ពីសំណាកទស្សនិកជនហើយថែមទាំងមានឱកាសសហការជាមួយនឹងរៀមច្បង ម៉េង កែវពេជ្ជតាទៀត៕
