Jennie សមាជិកក្រុម BLACKPINK បានបន្តនាំកំដៅនៅលើឆាកអស្ចារ្យ Coachella ក្នុងសប្តាហ៍ទី ២ ជាមួយនឹងការសម្តែងទោលពិសេស។ ការសម្តែងម្តងទៀតរបស់ Jennie បាននាំមកនូវការសម្តែងដ៏ល្អបំផុតរបស់នាងធ្វើឱ្យមានមតិប្រជាជនកូរ៉េជាច្រើនកោតសរសើរនាង។
នៅតែរក្សាបទចម្រៀង ១៣ បទនៃអាល់ប៊ុម RUBY ប៉ុន្តែថាមពល និងស្ថានភាពរាងកាយរបស់ Jennie មានភាពប្រសើរឡើងគួរឱ្យកត់សម្គាល់។ តាំងពីបើកឆាក Jennie បានបង្ហាញថាសំឡេងផ្ទាល់របស់នាងមានភាពប្រសើរឡើងគួរឱ្យកត់សម្គាល់ នាងលែងត្រូវប្រឹងខ្លួនឯងដូចលើកទីមួយ។ នៅសប្ដាហ៍ទី២ តារាស្រីលេខ១របស់កូរ៉េបន្តបង្កើតនិន្នាការមិនធ្វើឱ្យអ្នកគាំទ្រខកចិត្តឡើយ សម្លៀកបំពាក់មួយនេះបានបញ្ចេញនូវចង្កេះដ៏ល្អឥតខ្ចោះរបស់នាង សាមញ្ញ ទាន់សម័យ ប៉ុន្តែគួរឱ្យចាប់អារម្មណ៍ដូចគ្នា ដែលជួយ Jennie យកឈ្នះមហោស្រពតន្ត្រីដោយភាពជឿជាក់បំផុត។
ដោយមិនចាំបាច់ផ្លាស់ប្តូរសម្លៀកបំពាក់ទាំងមូលនោះទេ ឆ្លងកាត់ដំណាក់កាលនីមួយៗ Jennie នឹងផ្លាស់ប្តូរផ្នែកមួយចំនួននៅក្នុងសម្លៀកបំពាក់យ៉ាងឆ្លាតវៃ ដើម្បីឱ្យត្រូវនឹងអារម្មណ៍នៃបទចម្រៀងនីមួយៗ។ អ្វីដែលកាន់តែពិសេស Jennie ធ្វើឱ្យមហាជនជាអ្នកគាំទ្ររំភើបចិត្តនៅពេលដែលនាងចាប់ផ្តើមសម្តែងបទចម្រៀងទោលដំបូងរបស់នាងដែលមានចំណងជើងថា «SOLO» ដែលបានចេញនៅចុងឆ្នាំ២០១៨។
អ្នកគាំទ្របានចែករំលែកវីដេអូផ្សេងៗ និងឈុតខ្លីៗនៃការសម្តែងចុងក្រោយរបស់ Jennie នៅ Coachella ដោយសរសើរថាវាជាការសម្តែងដ៏ល្អបំផុតរបស់នាងក្នុងអាជីពរបស់នាង។ អ្នកនិយមលេងអ៊ីនធឺណេតកូរ៉េក៏បានកោតសរសើរចំពោះការសម្តែង និងសរសើរតារាចម្រៀងចំពោះវត្តមាននៅលើឆាក និងថាមពលរបស់នាង។
ពួកគេបានសរសើរ និងបញ្ចេញមតិថា៖ «នាងធ្វើបានល្អជាងសប្តាហ៍ទី១ , Jennie អស្ចារ្យណាស់ , ការសម្តែងកំពូលរបស់នាង។, «ម៉េចក៏នាងមានថាមពលខ្លាំងពីរាងកាយតូចបែបនេះ?, ខ្ញុំស្រលាញ់ ‘SOLO’។ ខ្ញុំពិតជារីករាយណាស់ដែលនាងបានសម្តែងបទនេះ។, នេះគឺជាការសម្តែងដ៏ល្អបំផុតរបស់នាង។, ខ្ញុំគិតថា ទាំង Lisa និង Jennie កាន់តែមានភាពប្រសើរឡើង បន្ទាប់ពីពួកគេបានយកឈ្នះអារម្មណ៍របស់ពួកគេតាំងពីសប្តាហ៍ដំបូង។ ,នាងមានទេពកោសល្យណាស់…»៕
