អ្នកលេងបណ្តាញសង្គមជាអ្នកគាំទ្រក្រុមចម្រៀង BLACKPINK បានភ្ញាក់ផ្អើលយ៉ាងខ្លាំងចំពោះរូបភាពពីមុនរបស់ Jisoo មុនការបង្ហាញជាសមាជិកក្រុមចម្រៀងនេះដែលបង្ហោះដោយបងថ្លៃរបស់នាង។ មនុស្សជាច្រើនគិតថា Jisoo គឺជាសមាជិកសុភាពជាងគេនៅក្នុងក្រុមប៉ុន្តែការពិតរូបនាងស្ទាវតាំងពីក្មេងមកម្ល៉េះ។.png)
កាលពីល្ងាចថ្ងៃទី ២២ ខែធ្នូ អ្នកគាំទ្របានភ្ញាក់ផ្អើលនៅពេលដែល រូបថតមុនការបង្ហាញខ្លួនដំបូងក្នុងអាជីពសិល្បៈរបស់ Jisoo សមាជិក BLACKPINK ត្រូវបានសាច់ញាតិរបស់នាងបង្ហាញជាសាធារណៈក្នុងពេលស្លៀកឯកសណ្ឋានយោធារបស់បងប្រុសក្នុងស្ទីល Hip-hop ខ្លាំងជាមួយនឹងមួក និងក្រវិលលើសពីមួយដែលធ្វើឱ្យមហាជនរំភើប និងពិភាក្សាគ្នាយ៉ាងច្រើន។
អ្នកនិយមលេងអ៊ីនធឺណិត បាននិយាយលេងសើចដាក់ Jisoo ចំពោះឈុតនេះហើយបានចាប់អារម្មណ៍លើការពាក់ក្រវិលច្រើនរបស់តារាស្រីរូបនេះដែលបង្ហាញខ្លួនតាំងពីវ័យក្មេង។ Jisoo ត្រូវបានទស្សនិកជនថាជាសមាជិកសុភាពរម្យទម្យជាងគេនៅក្នុងក្រុមអស់រយៈពេលជាច្រើនឆ្នាំសមាជិក៣នាក់ផ្សេងទៀតសុទ្ធតែហ៊ានបង្ហាញពីភាពស៊ិចស៊ីក្នុងឈុតប៊ីគីនីឱ្យហ្វេនៗបានឃើញប៉ុន្តែនាងមិនទាន់បង្ហាញឡើយ។
ទោះយ៉ាងណា នៅពេលឃើញរូបភាពពីអតីតកាលរបស់ Jisoo ហើយអ្នកមួយចំនួនបានប្តូរការគិតថា Jisoo មិនសុភាពទន់ភ្លន់ដូចការគិតនោះទេនៅពេលឃើញរូបភាពនេះហើយគឺនាងស្ទាវតាំងពីដើមមកម្ល៉េះ។ មិនត្រឹមតែប៉ុណ្ណោះនាងធ្លាប់ត្រូវបានសមាជិកបង្ហាញថាជាតារាម៉ូដែលដ៏ស្រស់ស្អាតម្នាក់ដែលចូលចិត្តម៉ូត Hip-hop កាលនាងនៅជាអ្នកហ្វឹកហាត់។ទន្ទឹមនឹងការស្រលាញ់បែបនេះ នោះហើយជាមូលហេតុដែល Jisoo បានពាក់ក្រវិលចំនួនច្រើនបំផុតក្នុងក្រុម BLACKPINK ហើយធ្លាប់បង្ហើបថានាងមានការចោះត្រចៀកទាំងសងខាងដល់ទៅ ៩ឯណោះ។
រូបថតពីមុនរបស់ Jisoo ត្រូវដែលត្រូវបានបង្ហាញនេះ ទោះជារូបភាពបែបណាក៏ដោយ គ្រប់ទម្រង់មុខ របស់តារាស្រីដែលកើតក្នុងឆ្នាំ១៩៩៥ នៅតែស្រស់ស្អាត ខណៈថ្មីៗនេះ Jisoo ត្រូវបានគេផ្តល់កិត្តិយសជាតារាស្រីដែលស្អាតបំផុតក្នុងលោកដែលរូបនាងបានជាប់ឈ្មោះនេះ៣ឆ្នាំជាប់គ្នា៕
