ហុងកុងជាប់ចំណាត់ថ្នាក់លេខ ២ ជាទីក្រុងដែលមានមហាសេដ្ឋីច្រើនជាងគេលើពិភពលោក

ប្រទេសចិន៖ យោងតាមរបាយការណ៍របស់ក្រុមហ៊ុនទិន្នន័យ Altrata (UK) បានបង្ហាញថា ចំនួនមហាសេដ្ឋីនៅហុងកុងគឺបានកើនឡើងខ្លាំង ដោយជាប់ចំណាត់ថ្នាក់លេខ ២ បន្ទាប់ពីទីក្រុងញូវយ៉កសហរដ្ឋអាមេរិក។
ជំរឿនប្រជាសាស្រ្តមហាសេដ្ឋី ២០២៤ ដែលប្រកាសដោយ Altrata បានបង្ហាញថា ២៨% នៃមហាសេដ្ឋីរបស់ពិភពលោករស់នៅក្នុងទីក្រុងចំនួន ១៥ ដែលក្នុងនោះសហរដ្ឋអាមេរិក និងចិនគឺជាប្រទេសពីរដែលមានទីក្រុងច្រើនជាងគេនៅក្នុងបញ្ជី។

នេះបើយោងតាម Altrata បានឱ្យដឹងថា ញូវយ៉កគឺជាទីក្រុងជាប់ចំណាត់ថ្នាក់លេខ ១ ដែលមានមហាសេដ្ឋីច្រើនជាងគេលើពិភពលោកចំនួន ១៤៤ នាក់កើនឡើង ៩ នាក់បើធៀបនឹងឆ្នាំមុន។ រីឯចំនួនមហាសេដ្ឋីរស់នៅក្នុងទីក្រុងហុងកុងវិញគឺមាន ១០៧ នាក់ ធ្លាក់ចុះ ៥ នាក់បើធៀបនឹងឆ្នាំមុន។ ទោះបីជាធ្លាក់ចុះបន្តិចមែន ក៏ទីក្រុងនេះនៅតែរក្សាតំណែងលេខពីរ ជាទីក្រុងដែលមានមហាសេដ្ឋីច្រើនជាងគេលើពិភពលោកផងដែរ។

របាយការណ៍វាយតម្លៃថា ទោះបីជាការវិនិយោគទាក់ទងនឹងប្រទេសចិននៅតែបន្តធ្លាក់ចុះក៏ដោយ ប៉ុន្តែហុងកុងនៅតែពឹងផ្អែកលើគុណសម្បត្តិតែមួយគត់របស់ខ្លួនជាស្ពានហិរញ្ញវត្ថុដ៏សំខាន់ ការភ្ជាប់ប្រទេសចិន និងទីផ្សារអន្តរជាតិ ដែលធ្វើឱ្យវាក្លាយជាមជ្ឈមណ្ឌលដែលមិនអាចជំនួសបាននៅក្នុងប្រព័ន្ធហិរញ្ញវត្ថុពិភពលោក។ របាយការណ៍ក៏បាននិយាយផងដែរថា បច្ចុប្បន្នចំនួនមហាសេដ្ឋីនៅអាស៊ីបានថយចុះពី ៣.៥% មក ៨០៦ នាក់ ហើយទ្រព្យសម្បត្តិសរុបបានថយចុះពី ២% ទៅ ២.៥ ពាន់ពាន់លានដុល្លា គឺជាតំបន់តែមួយគត់ ដែលចំនួនមហាសេដ្ឋីបានថយចុះ។

របាយការណ៍បានបន្ថែមថាការធ្លាក់ចុះសេដ្ឋកិច្ចរបស់ប្រទេសចិនជាមូលហេតុចម្បងដែលប៉ះពាល់ដល់ដំណើរការរបស់អាស៊ី។ សេដ្ឋកិច្ចទន់ខ្សោយ អចលនទ្រព្យនៅទ្រឹង ក្តីបារម្ភអំពីការកើនឡើងនៃបំណុលក្នុងស្រុក និងដំណើរការទីផ្សារមូលធនក្រីក្របានធ្វើឱ្យចំនួនមហាសេដ្ឋីនៅក្នុងប្រទេសចិនធ្លាក់ចុះ ១៤.៨% មកត្រឹម ៣០៤ នាក់ក្នុងឆ្នាំ ២០១៩៕