ថ្ងៃពិសេសរបស់តារាស្រីល្បីឈ្មោះ សុភ័ក្រ កុសុម៉ា និងស្វាមីដ៏ស្រស់សង្ហាមិនចាញ់តារាភាពយន្តបានបញ្ចប់ទៅដោយរលូនក្រោមការចូលរួមអបអរសាទរពីមិត្តក្នុងចង្កោមសិល្បៈ និងមហាជន។ ភាពស្រស់ស្អាតក្នុងថ្ងៃមង្គល អ្នកគាំទ្រក៏បានចាប់អារម្មណ៍មកុដដែល កុសុម៉ា ពាក់ផងដែរហើយក៏ជាទីប្រាថ្នារបស់មនុស្សស្រីគ្រប់រូប។
មកុដដ៏ស្រស់ស្អាតដែលតារាស្រីនេះពាក់នេះគឺជាគ្រឿងអលង្កាការពីហាងពេជ្រមួយកន្លែងចំណែកតម្លៃវិញគឺខ្ពស់មិនធម្មតារហូតដល់១១៧,០០០ដុល្លារ។ ក្រៅពីមកុដដ៏ស្រស់ស្អាតក្នុងតម្លៃដល់ទៅជាង១១ម៉ឺនដុល្លារនេះនៅមានគ្រឿងអលង្កាការជាច្រើនទាំង កុសុម៉ា និងស្វាមីពាក់គឺជារបស់ពិតៗពិតជាអភិជនខ្លាំងណាស់។
មង្គលការរបស់ពិធីការិនីដ៏ល្បីល្បាញ សុភ័ក្រ កុសុម៉ា និងស្វាមី គឺទទួលបានការចាប់អារម្មណ៍យ៉ាងខ្លាំងពីស្រទាប់មហាជនចាប់តាំងពីវីដេអូស្នើសុំរៀបការ រូបថតមុនរៀបអាពាហ៍ពិពាហ៍បង្ហាញពីតួយក្សល្ខោនបាសាក់ និងរូបភាពជាច្រើនទៀត។ នៅថ្ងៃសិរីសួស្តី គ្រប់រូបភាពតារាស្រីរូបនេះពោរពេញដោយសុភមង្គល ខណៈដែលកូនក្រមុំច្រៀងផ្ទាល់ធ្វើឱ្យមានការចាប់អារម្មណ៍ភ្លូកទឹកភ្លូកដី។
ចំពោះការទម្លាយរបស់ កុសុម៉ា ពីការផ្តើមស្នេហ៍ដោយសារតែរៀបចំកម្មវិធីបុណ្យកឋិនទាន ក៏ធ្វើឱ្យមហាជនចាប់អារម្មណ៍ដូចគ្នា ខណៈមានការស៊ុបប្រាយស្វាមីតាមរយៈបទចម្រៀងមួយបទកូនក្រមុំច្រៀងដោយផ្ទាល់ពីស្នាដៃនិពន្ធដោយ ម៉ុង ម៉ានិត និង ម៉ុង ម៉ានុត៕
