Lisa សម្លឹងមើលការសហការជាមួយតារាអាម៉េរិក Doja Cat បន្ទាប់ពីតារាអេស្ប៉ាញ Rosalía

Lisa សមាជិកក្រុម BLACLPINK បានបង្ហាញពីម្ចាស់បទ Agora Hills ដែលមានអាយុ ២៩ ឆ្នាំគឺស្ថិតនៅកំពូលនៃបញ្ជីសិល្បករដែលប្រាថ្នាចង់ថតបទចម្រៀងជាមួយ។ នៅពេលសួរថាតើនាងចង់សហការជាមួយអ្នកណានៅលើ Audacy នាងបាននិយាយថា «ប៉ុន្តែសម្រាប់ពេលនេះដែលខ្ញុំអាចគិតអំពី Doja Cat ខ្ញុំស្រលាញ់នាង»។ Lisa បាននិយាយថា «ប្រាកដណាស់ Doja Cat គឺជាគោលដៅបន្ទាប់របស់ខ្ញុំ»។

នៅខែសីហានេះ Lisa បានសហការជាមួយតារាប៉ុបអេស្ប៉ាញ Rosalía ដែលមានអាយុ ៣២ឆ្នាំមានអាយុលើសនាង៥ឆ្នាំ ក្នុងបទ «New Woman»។ Lisa បាននិយាយថា៖ « Rosalía អស្ចារ្យណាស់ នាងជាអ្នកអាជីព ដូចរាល់សកម្មភាពដែលនាងធ្វើអ៊ីចឹង។ នាងគ្រាន់តែរក្សាអត្តសញ្ញាណរបស់នាងជាមួយនឹងតន្ត្រីរបស់នាង ជាមួយនឹងសិល្បៈរបស់នាង និងអ្វីគ្រប់យ៉ាង។ ដូច្នេះ ខ្ញុំចង់ក្លាយជាមនុស្សដូចនាង ដែលអាចរក្សាអត្តសញ្ញាណរបស់ខ្ញុំបាន»។ កាលពីឆ្នាំ២០២១ ការប្រគំតន្រ្តី The Show របស់ BLACKPNIK នៅពេលឆាក Solo Lisa គឺបានសម្តែងបទ «Say So» របស់ Doja Cat ។

ជាការកត់សម្គាល់ Lisa គឺទទួលបានការសហការជាមួយតារាចម្រៀងផ្សេងទៀតដូចជា រៀមច្បង Taeyang និងបទ SG ជាមួយ DJ Snake, Ozuna, Megan Thee Stallion។ បន្ទាប់ពីបង្កើតក្រុមហ៊ុនសម្រាប់បង្ហាញសកម្មភាពទោលមក Lisa បានចូលរួមកម្មវិធីជាច្រើននិងបានចេញបទចម្រៀងដូចជា Rock Star , New Woman ជាមួយ Rosalía និងបទ Moonlit Floor ៕