ក្ដាមប្រៃ គឺសម្តៅទៅលើឈ្មោះទូកមួយដែលល្បីល្បាញ ក្នុងខេត្តកំពង់ឆ្នាំង ដោយទូកនេះ តែងតែទទួលបានជ័យលាភីលេខ១ ជារៀងរាល់ឆ្នាំ នៃការប្រារព្វពិធីបុណ្យអុំទូក។.png)
ទូកនេះ មានប្រវត្តិជាប់ទាក់ទិញនឹងឈ្មួញជនជាតិចិនម្នាក់ល្បីខាងលក់ក្តាមប្រៃ នៅក្នុងស្រុកកំពង់ត្រឡាច ខេត្តកំពង់ឆ្នាំង រហូតដល់ពលរដ្ឋដាក់ឈ្មោះឱ្យថា”ទូកក្តាមប្រៃ”។
ក្រោយជនជាតិចិននេះចាស់ទៅ ក៏បានប្រគល់ទូកឱ្យទៅកាន់វត្តថែរក្សា តែមិនបានយូរប៉ុន្មានក៏ត្រូវបានអ្នកភូមិស្នើសុំយកទូកនោះទៅប្រណាំង។
ទូកនេះ ត្រូវបានកម្ទេចចោលនៅក្នុងសម័យក្រហម ហើយបានប្តូរឈ្មោះទៅជា “ទូកតារន្ទះពេជ្យសែនជ័យ” ក្រោយចប់របបនេះ។.png)
ក្រោយមកទៀត ទូកនេះក៏ត្រូវបានប្រែមុខមាត់ថ្មី ដោយដាក់ឈ្មោះថាក្តាមប្រៃវិញ នៅឆ្នាំ២០១២ និង២០១៣ ក្រោមការគ្រប់គ្រង និងឧបត្ដម្ភផ្ទាល់ពីរដ្ឋមន្ត្រីព្រះបរមរាជវាំង សម្តេចចៅហ្វាវាំង គង់ សំអុល។
ឈ្មោះទូកនេះ មានវត្តមានតាំងពីសម័យសង្គមរាស្រ្តនិយម ប៉ុន្ដែទូកនេះមិនដែលបានចូលរួមប្រកួតការប្រណាំងទូកនោះទេ ទើបតែចូលប្រកួតនៅទីក្រុងភ្នំពេញនៅពាក់កណ្ដាលទសវត្ស១៩៩០។.png)
គួរបញ្ជាក់ថា ក្ដាមប្រៃ ជាទូកមួយជោគជ័យបំផុត នៅក្នុងការប្រណាំង នៃការប្រារព្វពិធីបុណ្យអុំទូក ដោយចាប់តាំងពីឆ្នាំ២០១៤ ដល់ឆ្នាំ២០២៣ ទូកនេះតែងតែទទួលបានជ័យលាភីលេខ១៕
