ជាធម្មតា មនុស្សភាគច្រើនតែងធ្វើការចំនួន ៨ ម៉ោងក្នុងមួយថ្ងៃ ប៉ុន្តែដោយសារបញ្ហាបន្ទុកការងារ ឬកត្តាសេដ្ឋកិច្ច ទើបធ្វើឱ្យមនុស្សមួយចំនួនសម្រេចចិត្តធ្វើការថែមម៉ោង ដោយមិនមានពេលវេលាគ្រប់គ្រាន់ ដើម្បីថែរក្សាសុខភាពឱ្យបានត្រឹមត្រូវ។ ដូច្នេះហើយខាងក្រោមនេះគឺជា ជំងឺគ្រោះ.ថ្នាក់ចំនួន ៤ ដែលអ្នកធ្វើការភាគច្រើនតែងតែប្រឈមមុខជាមួយ៖
១.ជំងឺបាក់ទឹកចិត្ត៖ ជំងឺបាក់ទឹកចិត្តតែងតែគំរាមកំហែងដល់អាយុជីវិតមនុស្សជាពិសេសក្នុងវ័យធ្វើការ។ មូលហេតុនៃការធ្លាក់ទឹកចិត្ត គឺបណ្តាលមកពីកត្តាជាច្រើនទាំងតំណពូជ សារធាតុគីមីក្នុងខួរក្បាល និងចរិតលក្ខណៈផ្ទាល់ខ្លួន…។ ដូច្នេះដើម្បីបំបាត់រោគសញ្ញាទាំងអស់នេះអ្នកត្រូវទៅជួបគ្រូពេទ្យជំនាញ ដើម្បីដោះស្រាយបញ្ហាផ្លូវចិត្តឱ្យបានទាន់ពេលវេលា។
២.សម្ពាធឈាមឡើងខ្ពស់៖ អ្នកធ្វើការភាគច្រើនតែងមានភាពតានតឹង ស្មុគស្មាញ រហូតដល់មានជំងឺលើសឈាម ឬឡើងសម្ពាធឈាមដោយមិនដឹងខ្លួន។ ដូច្នេះដំណោះស្រាយគឺត្រូវបរិភោគអាហារដែលសម្បូរទៅដោយវីតាមីន ទទួលទានផ្លែឈើឱ្យបានច្រើន ចៀសវាងគ្រឿងស្រវឹង បារី អាហារដែលផ្អែម និងប្រៃពេក។.png)
៣.បញ្ហាក្រពះ៖ អ្នកធ្វើការភាគច្រើនតែងបរិភោគអាហាររហ័ស និងអាហារជាតិខ្លាញ់ ដែលមិនសូវមានគុណភាព និងតម្លៃថោក ធ្វើឱ្យក្រពះរបស់យើងឈឺ ពិបាកបន្ទោរបង់ រហូតដល់រលាកក្រពះ ដំបៅក្រពះ ឬការស្ទះក្រពះជាដើម។ ហេតុនេះសម្រាប់ដំណោះស្រាយនោះគឺអ្នកត្រូវកាត់បន្ថយអាហារដែលមានជាតិហឹរ, អាហារខ្លាញ់, អាហារចៀន, ឬភេសជ្ជៈផ្អែមៗ…ជាដើម។
៤.ប្រឈមនឹងការបាក់សម្រស់៖ ជាការពិតណាស់អ្នកធ្វើការភាគច្រើនតែងតែមិនសូវមានពេលវេលាគ្រប់គ្រាន់សម្រាប់ការថែរក្សាសម្រស់ ដែលបណ្តាលឱ្យយើងគិតច្រើន គេងមិនលក់ សម្រស់ធ្លាក់ចុះ សុខភាពចុះខ្សោយ និងឡើងគីឡូជាដើម។ ហេតុនេះ អ្នកគួរតែចំណាយពេលវេលាខ្លះដើម្បីខ្លួនឯង ក៏ដូចជាស្រូបយកខ្យល់អាកាសបរិសុទ្ធ ជាមួយនឹងបរិយាកាសធម្មជាតិ ដើរកំសាន្តបំបាត់ស្ត្រស គិតរឿងល្អៗ និងទទួលទានអាហារឆ្ងាញ់ៗ…ជាដើម៕.png)
