កាលពីចុងខែកញ្ញា ឆ្នាំ២០២៤ សម្តេចធិបតី ហ៊ុន ម៉ាណែត បានដឹកនាំកិច្ចប្រជុំពេញអង្គគណៈរដ្ឋមន្ត្រី ដោយបានសម្រេចអនុម័តគម្រោងវិនិយោគអគ្គិសនីចំនួន ២៣គម្រោង សម្រាប់រយៈពេល ៦ឆ្នាំ ពីឆ្នាំ២០២៤-២០២៩ ក្រោមទុនវិនិយោគសរុប ៥,៧៩០លានដុល្លារ។
គម្រោងវិស័យអគ្គិសនីទាំង២៣នេះ ចែកចេញជា៦គម្រោងសំខាន់ ដោយរួមមាន៖
• គម្រោងថាមពលពន្លឺព្រះអាទិត្យចំនួន ១២គម្រោង
• គម្រោងថាមពលខ្យល់ចំនួន ៦គម្រោង
• គម្រោងជីវម៉ាសផ្គុំជាមួយថាមពលពន្លឺព្រះអាទិត្យចំនួន ១គម្រោង
• គម្រោងផលិតអគ្គិសនីដើរដោយឧស្ម័ន LNG ចំនួន ១គម្រោង
• គម្រោងវារីអគ្គសនីចំនួន ១គម្រោង
• គម្រោងស្ថានីយ៍ស្តុកថាមពលចំនួន ២គម្រោង.png)
គម្រោងទាំងអស់នេះ មានទីតាំងនៅខេត្ត បាត់ដំបង ខេតត្តពោធិ៍សាត់ ខេត្តកំពង់ឆ្នាំង ខេត្តរតនគីរី ខេត្តមណ្ឌលគីរី ខេត្តព្រះសីហនុ ខេត្តកំពង់ចាម និងខេត្តព្រៃវែង។
គួរបញ្ជាក់ដែរថា គម្រោងអភិវឌ្ឍវិស័យអគ្គិសនីនេះ អាចផ្ដល់ថាមពលអគ្គិសនីសរុបចំនួន ៣៩៥០មេហ្គាវ៉ាត់ដល់កម្ពុជា និងអាចស្តុកទុកថាមពលបានរហូតដល់២.០០០ មេហ្គាវ៉ាត់ផងដែរ៕
