តារាចម្រៀង ឧកញ៉ា ខេមរៈ សិរីមន្ត បានធ្វើឱ្យមានការចាប់អារម្មណ៍មិនតិចនោះទេបន្ទាប់ពីគ្រងឈុតបុរាណព្រះបាទជ័យវរ្ម័នទី៧ នៅមុខប្រាសាទអង្គរវត្ត ក្នុងព្រឹតិ្តការណ៍ Gumball 3000 ដែលប្រជុំទៅដោយឡានទំនើបៗ។ ទោះយ៉ាងណារូបភាពរបស់តារាចម្រៀងរូបនេះត្រូវបានអ្នកមួយចំនួនបញ្ចេញមតិ Bully ផ្សេងរហូតដល់តារាចម្រៀង រ៉េដឃីង និង ឃុន វុត្ថា សម្តែងការហួសចិត្តចំពោះអ្នករិះគន់។
តារាចម្រៀង ឃុន វុត្ថា បានលើកឡើងថា «គាំទ្របងប្រុសតំណាងសិល្បកររបស់កម្ពុជាគ្រងនៅឈុតវប្បធម៌ប្រពៃណីដូនតាយ៉ាងស្រស់ស្អាតពិតជាគួរឱ្យសរសើរ។ តែខ្ញុំឆ្ងល់អ្នកខំមិន មិនល្អចំពោះគាត់ក្នុងvideoហ្នឹងគាត់កំពុងគិតអី?»។ .png)
ងាកទៅកាន់តារាចម្រៀង រ៉េដឃីង វិញបានលើកឡើងដែរថា «អ្ននរិះ:គន់ទាំងឡាយអើយ
ល្មមប្ដូរផ្នត់គំនិតទៅ គួរតែសរសើរគាត់កាន់តែខ្លាំងជាងមុន ដែលគាត់អាចធ្វើបានគ្រប់ទម្រង់ដើម្បីសិល្បៈខ្មែរ អរគុណបងប្រុសសម្រាប់ឈុតនេះ ខេមរៈ សិរីមន្ត»។.png)
ចាប់តាំងពីប្រឡូកសិល្បៈរយៈពេលជាង២០ឆ្នាំ ប៉ុន្មានឆ្នាំចុងក្រោយមកនេះតារាចម្រៀង ខេមរៈ សិរីមន្ត ដែលមានងារជាឧកញ៉ា ទទួលរងនូវការរិះគន់ជាបន្តបន្ទាប់ពីអ្នកលេងបណ្តាញសង្គមមួយចំនួនមិនថាជាសកម្មភាពអ្វីក៏ដោយ។ តួយ៉ាងថ្មីៗនេះ នៅពេលឧកញ៉ា សិរីមន្ត បញ្ចេញបទថ្មីរបស់ខ្លួនថែមទាំងថត MV ពីផ្នែកមួយក្នុងព្រឹត្តិការណ៍ Gumball 3000 ក៏រងនូវមតិវែកញែក និងអ្នកខ្លះទៀតក៏បានសំណូមពរឱ្យតារាចម្រៀងរូបនេះកាលពីមុនត្រឡប់មកវិញ។
គួរបញ្ជាក់ផងដែរថា តារាចម្រៀងឧកញ៉ា ខេមរៈ សិរីមន្ត នឹងតំណាងសិល្បករកម្ពុជាផ្នែកសម័យសម្តែងនៅលើទឹកដីសហរដ្ឋអាម៉េរិកនាចុងខែកញ្ញា ឆ្នាំ២០២៤ ខាងមុខនេះក្នុងទីក្រុង សាន់ហ្រ្វាន់ស៊ីស្កូ។ តារាចម្រៀងរូបនេះបានលើកទឹកចិត្តប្រជាជនខ្មែររស់នៅទីនោះចូលរួមទស្សនាឱ្យបានច្រើនកុះករខណៈកម្មវិធីមានសារៈសំខាន់ដើម្បីផ្សព្វផ្សាយវប្បធម៌អរិយធម៌ និងផលិតផលខ្មែរទៅកាន់ពិភពលោក៕
