យោងតាមទស្សនាវដ្តី Vogue បានឱ្យដឹងថាតារាចម្រៀង Charlie Puth និង Brooke Sansone បានប្រារព្ធពិធីមង្គលការរបស់ពួកគេនៅផ្ទះក្នុងរដ្ឋកាលីហ្វ័រញ៉ាកាលពីថ្ងៃទី៧ ខែកញ្ញា។ នៅលើ Instagram ថ្ងៃទី ១៨ ខែកញ្ញា តារាចម្រៀងរូបនេះបានបញ្ជាក់ព័ត៌មានជាមួយរូបថតអាពាហ៍ពិពាហ៍ជាបន្តបន្ទាប់។ អ្នកទាំងពីរគឺជាមិត្តភក្តិនឹងគ្នាតាំងពីកុមារភាពមកម្ល៉េះ។
ក្នុងការបង្ហាញពីការរៀបការរបស់ខ្លួនជាសាធារណៈ Charlie Puth បាននិយាយថា ៖ «សន្យាថានឹងស្រលាញ់អ្នករាល់ថ្ងៃពេញមួយជីវិត ហើយនឹងស្រលាញ់អ្នកកាន់តែខ្លាំងនៅពេលដែលពួកយើង នៅជាមួយគ្នាម្តងទៀតក្នុងជីវិតបន្ទាប់ Brooke Ashley Sansone ពេលនេះអ្នកគឺជា Brooke Ashley Puth អរគុណដែលធ្វើឱ្យខ្ញុំក្លាយជាបុរសដែលមានសុភមង្គលបំផុតក្នុងលោក។
នៅក្នុងបទសម្ភាសន៍ជាមួយ ទស្សនាវដ្តី Vogue Brooke Sansone បាននិយាយថានាងមានអារម្មណ៍ថាថ្ងៃរៀបការបានកន្លងផុតទៅ “ដូចជាសុបិន” ។ ពួកគេបានប្រារព្ធពិធីជប់លៀងជូនភ្ញៀវនៅពេលល្ងាចមុនពិធីមង្គលការ ហើយបានបំពាក់ចិញ្ចៀនអាពាហ៍ពិពាហ៍ក្នុងអំឡុងពេលពិធីដ៏សំខាន់នៅថ្ងៃបន្ទាប់។ គូស្នេហ៍តារារូបនេះបាននិយាយថា តាំងពីត្រូវជ្រើសរើសទីកន្លែងរៀបការមក គេដឹងថាកន្លែងដ៏ល្អជាងគេគឺផ្ទះរបស់តារាចម្រៀង Charlie Puth ព្រោះវាមាន “ទេសភាពដ៏ល្អឥតខ្ចោះ”។ នាងបាននិយាយថា “យើងចង់ឱ្យពិធីនេះមានលក្ខណៈសាមញ្ញ ប៉ុន្តែគួរឱ្យចងចាំ។ យើងទាំងពីរមានអារម្មណ៍ស្ងប់ស្ងាត់ និងធូរស្រាលពេលនៅទីនោះជាមួយគ្នា”។
Charlie Puth គឺជា Brooke Sansone ដែលជាមិត្តភ័ក្តិតាំងគ្នាតាំងពីតូច ហើយត្រូវបានពាក្យចចាមអារ៉ាមដំបូងថាបានទាក់ទងគ្នានៅខែកញ្ញា ឆ្នាំ ២០២២ នៅពេលដែលនាង និងក្រុមគ្រួសាររបស់ខ្លួនបានចូលរួមពិធីបុណ្យ Global Citizen នៅញូវយ៉ក។ មួយខែក្រោយមក Charlie Puth បានបង្ហាញខ្លួនក្នុងកម្មវិធីមួយ ដោយនិយាយថាលោកស្រលាញ់មនុស្សម្នាក់ដែលលោកបានស្គាល់ជាយូរមកហើយ។ 
នៅខែធ្នូ ឆ្នាំ២០២២ គូស្នេហ៍មួយគូនេះបានប្រកាសពីស្នេហារបស់ពួកគេតាមរយៈការបង្ហោះនៅលើ Instagram របស់ Charlie Puth ។ តារាចម្រៀងរូបនេះបានសុំមិត្តស្រីរៀបការនៅខែកញ្ញា ឆ្នាំ២០២៣ ហើយភ្ជាប់ពាក្យបន្ទាប់មក។ មហាជន បាននិយាយថា ស្នេហាអ្នកទាំងពីរជាផ្នែកមួយនៃជីវិតរបស់គ្នាទៅវិញទៅមក ព្រោះគ្រួសារស្គាល់គ្នាយូរមកហើយ។ ឪពុករបស់ពួកគេគឺជាមិត្តរួមថ្នាក់បឋមសិក្សាដែលធំធាត់ជាមួយគ្នានៅរដ្ឋ New Jersey ។ 
Charlie Puth មានអាយុ៣២ឆ្នាំ មានភាពល្បីល្បាញតាមរយៈបទ See You Again ,We Don’t Talk Anymore សហការគ្នាជាមួយ Selena Gomez, Attention, Left and Right សហការជាមួយ Jung Kook សមាជិក BTS។ ក្រៅពីការច្រៀងលោកជាអ្នកនិពន្ធនិងជាផលិតករ។ Brooke Sansone មានអាយុ២៥ឆ្នាំបានបញ្ចប់ការសិក្សាពីសាកលវិទ្យាល័យក្នុងឆ្នាំ ២០២១ដែលបច្ចុប្បន្នធ្វើការផ្នែកទីផ្សារឌីជីថល និងទំនាក់ទំនងសាធារណៈ ហើយជាអ្នកសម្របសម្រួលសម្រាប់ក្រុមហ៊ុនរចនា Butter and Eggs Interiors៕
