Taylor Swift បានបំបែកកំណត់ត្រារបស់ Beyoncé សម្រាប់ការឈ្នះពានរង្វាន់ VMAs

តារាចម្រៀង Taylor Swift បានឈ្នះពានរង្វាន់ចំនួន ៧ នៅ VMAs ឆ្នាំ២០២៤ ដែលឈានដល់កំណត់ត្រា ៣០ ពានរង្វាន់រហូតមកដល់បច្ចុប្បន្ន។ ការណ៍នេះជំរុញឱ្យតារាចម្រៀងរូបនេះបានបំបែកកំណត់ត្រា Beyoncé ដែលមានពានរង្វាន់ចំនួន ២៥ ស្របពេលក្នុងឆ្នាំនេះអវត្តមាន Beyoncé ចូលរួមក្នុងកម្មវិធី។

នៅក្នុងពិធីប្រគល់ពានរង្វាន់ VMAs នៅថ្ងៃទី១១ ខែកញ្ញា (ម៉ោងក្នុងស្រុក) Taylor Swift បានទទួលពានរង្វាន់សំខាន់បំផុត – វីដេអូប្រចាំឆ្នាំសម្រាប់ MV «Fortnight »។ តារាចម្រៀងវ័យ៣៥ឆ្នាំរូបនេះជាអ្នកសិល្បៈដំបូងគេដែលទទួលបានកិត្តិយសក្នុងប្រភេទនេះ៥ដង។ ទន្ទឹមនឹងនេះ Taylor Swift គឺជាតារាចម្រៀងតែមួយគត់ដែលឈ្នះពានរង្វាន់នេះ ៣ ឆ្នាំជាប់ៗគ្នា។ Taylor Swift ក៏បានឈ្នះពានរង្វាន់សិល្បករឆ្នើម និងចម្រៀងប៉ុបល្អបំផុតនៅឆ្នាំនេះ។ បច្ចុប្បន្នតារាចម្រៀងរូបនេះមានរូបសំណាក Moonman ចំនួន ៣០(ពានរង្វាន់ VMAs មានរាងដូចអវកាសយានិកនៅលើព្រះច័ន្ទ) បំបែកកំណត់ត្រារបស់ Beyoncé ដែលមានពានរង្វាន់ចំនួន ២៥។

នៅក្នុងការថ្លែងចំណាប់អារម្មណ៍ទទួលយកពានសម្រាប់កិច្ចសហការល្អបំផុតជាមួយ Post Malone, Taylor Swift បានរំលឹកពីការឈឺចាប់នៃការវាយប្រហារភេរវកម្ម ៩/១១ ក្នុងឆ្នាំ២០០១។ នាងបាននិយាយថា «នៅពេលខ្ញុំភ្ញាក់ពីគេងព្រឹកនេះ ខ្ញុំបានគិតអំពីអ្វីដែលបានកើតឡើងកាលពី ២៣ ឆ្នាំមុន។ មនុស្សសំខាន់ថ្ងៃនេះ គឺជាគ្រួសារដែលបានបាត់បង់មនុស្សជាទីស្រលាញ់ ជនរងគ្រោះដែលបានស្លាប់បាត់បង់ជីវិត គ្រប់យ៉ាងដែលបានកើតឡើងនៅយប់នេះ នៅតែជារឿងអស្ចារ្យដែលមានឱកាសថ្លែងអំណរគុណ និងផ្តល់កិត្តិយសដល់ក្រុមការងារដែលខិតខំប្រឹងប្រែងជាមួយខ្ញុំ។បន្ថែមពីលើការថ្លែងអំណរគុណដល់ក្រុមការងារ នាងបានថ្លែងអំណរគុណដល់តារាចម្រៀង Post Malone ដែលបានច្រៀងជាមួយនាងក្នុងបទ Fortnight ។ Taylor Swift បានអធិប្បាយថា គាត់មានទេពកោសល្យ អនុវត្តជាក់ស្តែង និងតែងតែប្រព្រឹត្តចំពោះនាងដោយសុភាព។ តារាចម្រៀងរូបនេះមានអំណរគុណចំពោះអ្នកគាំទ្រ និងបាននិយាយអំពីមិត្តប្រុសរបស់នាង Travis Kelce ដោយនិយាយថាសង្សារនាងធ្លាប់លើកទឹកចិត្តនាងនៅស្ទូឌីយ៉ូ MV ។ មុនពេលចេញពីឆាក Taylor Swift បានក្រើនរំឭកទស្សនិកជនឱ្យទៅបោះឆ្នោតក្នុងការបោះឆ្នោតប្រធានាធិបតីខាងមុខ។

តារាចម្រៀងរូបនេះបាននាំមុខរដូវកាលផ្តល់ពានរង្វាន់ក្នុងឆ្នាំនេះជាមួយនឹងការតែងតាំងចំនួន ១២ រួមទាំងពានរង្វាន់សំខាន់ចំនួនបីសម្រាប់វីដេអូល្អបំផុត សិល្បករ និងចម្រៀងប្រចាំឆ្នាំ។ ដំបូងឡើយ តារាចម្រៀងរូបនេះបានទទួលការតែងតាំងចំនួន ១០ប៉ុន្តែក្រោយមកត្រូវបានគេដាក់ឈ្មោះជាពីរប្រភេទទៀត៕