ថ្មីៗនេះ កសិករនៅស្រុកព្រះនេត្រព្រះ ខេត្តបន្ទាយមានជ័យ សម្តែងការខកចិត្ត ចំពោះតម្លៃស្រូវកាន់តែធ្លាក់ចុះទៅ ដោយពេលព្រឹកលក់បានតម្លៃ១ពាន់រៀល ក្នុងមួយគីឡូក្រាម និងពេលថ្ងៃចុះសល់៧រយគីឡូក្រាម។.png)
តែយ៉ាងណាមិញ បើតាមការលើកឡើងរបស់រដ្ឋលេខាធិការក្រសួងកសិកម្មរុក្ខាប្រមាញ់ និងនេសាទ បណ្ឌិត យ៉ង សាំងកុមារ បានបង្ហាញតារាងតម្លៃស្រូវ៣ប្រភេទតាំងពីឆ្នាំ ២០២០ ដល់ឆ្នាំ២០២៤នេះ ដោយក្នុងតារាតម្លៃស្រូវនោះ ឃើញថា ប្រភេទស្រូវពីរប្រភេទមានការឡើងថ្លៃជាបន្តបន្ទាប់ គឺប្រភេទស្រូវស្រង៉ែ និងស្រូវសែនក្រអូប ។
ក្នុងនោះស្រូវសែនក្រអូបដែលជាស្រូវរបស់ខ្មែរមានតម្លៃល្អជាមធ្យម១៤០០រៀលក្នុងមួយគីឡូក្រាម ខ្ពស់ជាងឆ្នាំកន្លងមក ហើយមានតំរូវការច្រើនសម្រាប់ការកែច្នៃជាអង្ករនាំចេញដោយរោងម៉ាស៊ីនក្នុងស្រុក។
ដោយឡែក ស្រូវស្រងែ ជាមធ្យម១២៨០រៀលក្នុងមួយគីឡូក្រាម ដែលជាពូជស្រូវក្នុងស្រុកក៏មានតម្លៃខ្ពស់ដែរបើធៀបទៅឆ្នាំកន្លងមក តែតំរូវការនៅតិចជាងសែនក្រអូប។
គួរបញ្ជាក់ផងដែរថា ប៉ុន្មានសប្តាហ៍នេះគេឃើញមានការបង្ហោះវីដេអូជាច្រើននៅលើបណ្តាញសង្គម ជុំវិញការធ្វើស្រែ ទទួលទិន្នផលច្រើន តែបានតម្លៃទាប ដែលអ្នកខ្លះលើកឡើងថាស្ទើរតែមិនរួចដើមនោះទេ៕
