កាលពីកន្លងមកនេះបវរកញ្ញា Amy Viranya Berry Miss Grand Buriram 2024 បានធ្វើឱ្យអ្នកក្នុងចង្កោមវិស័យបវរកញ្ញា អ្នកសិល្បៈ និងមហាជនផ្ទុះប្រតិកម្មយ៉ាងខ្លាំងបន្ទាប់ពីនាងគន្លើនដាក់ចំណងជើងខ្លឹមសារមិនច្បាស់លាស់ពេលមកប្រាសាទអង្គរវត្ត។ តាមការឱ្យដឹងនាពេលថ្មីៗនេះរូបនាងត្រូវបានជ្រើសតំណាងឱ្យ Miss Grand United Kingdom 2024 ក្នុងការប្រកួត Miss Grand International ខណៈកម្ពុជាជាសហម្ចាស់ផ្ទះក្នុងការប្រកួត។ .png)
ដំណឹងដែល Amy Viranya Berry តំណាងឱ្យ Miss Grand United Kingdom 2024ដែលនឹងត្រូវបានប្រកួតនៅប្រទេសកម្ពុជានាពេលឆាប់ៗខាងមុនបានធ្វើឱ្យអ្នកមួយចំនួននូវសម្តែងការខឹងចំពោះនាងនៅឡើយ ប៉ុន្តែមតិមួយផ្នែកទៀតបានលើកឡើងដែរថាក្នុងនាមជាម្ចាស់ផ្ទះត្រូវស្វាគមន៍បេក្ខភាពឱ្យបានកក់ក្តៅនិងឱ្យនាងផ្លាស់ប្តូរការគិតប្រកប ដោយភាពវិជ្ជមានទើបប្រសើរ។
បវរកញ្ញារូបនេះបានរងនូវប្រតិកម្មយ៉ាងខ្លាំងពីប្រជាជនខ្មែរកាលពីខែមេសា ឆ្នាំ២០២៤ ចំ ចូលឆ្នាំខ្មែរ (១៦ មេសា) រូបនាងបានបង្ហោះរូបភាព៣សន្លឹកនៅមុខប្រាសាទអង្គរវត្តដោយបានដាក់ចំណងជើងថា «Happy Songkran បន្ថែមជាមួយទង់ជាតិថៃ និងបន្តឃ្លាថា Happy Thai new year everyone» ដែលមានអត្ថន័យជាភាសាខ្មែរថា «រីករាយសង្ក្រាន្តថៃ រីករាយចូលឆ្នាំថៃអ្នកទាំងអស់គ្នា»។
ខ្លឹមសារមិនច្បាស់លាស់មិនដឹងថានាងមានគោលបំណងអ្វីក្នុងការបង្ហោះរូបភាពនៅប្រាសាទអង្គរវត្តបែរលើកយកសង្ក្រាន្តថៃភ្ជាប់ទៅជាមួយប្រាសាទអង្គរវត្ត បានធ្វើឱ្យអ្នកក្នុងចង្កោមវិស័យបវរកញ្ញា អ្នកសិល្បៈ និងប្រជាជនខ្មែរប្រើប្រាស់បណ្តាញសង្គមផ្ទុះប្រតិកម្មយ៉ាងខ្លាំងនាគ្រានោះ។.png)
ចំពោះការដែល Amy Viranya Berry តំណាងឱ្យ Miss Grand United Kingdom 2024 នឹងត្រូវមកប្រទេសកម្ពុជាប្រកួតនៅលើឆាកអន្តរជាតិបានធ្វើឱ្យមានការចាប់អារម្មណ៍មិនធម្មតា អ្នកមួយចំនួននូវបង្ហាញការខឹងសម្បារចំពោះរូបនាងដដែល។ 
ទោះជាយ៉ាងនេះក្តី មតិមួយចំនួនបានលើកឡើងដែរថាក្នុងនាមជាសហម្ចាស់ផ្ទះMiss Grand International 2024 មិនគួរចូលទៅវាយប្រហារជេរគេនោះទេ គួរតែត្រូវស្វាគមន៍គ្រប់បេក្ខភាពប្រកបដោយភាពកក់ក្តៅទើបប្រសើរជាការបញ្ចេញមតិអវិជ្ជមាន។ ប្រសិនជាយើងយកភាពវិជ្ជមានផ្លាស់ប្តូរការគិតរបស់នាងនឹងចំណេញជាងនេះព្រោះគេជាភ្ញៀវ ហើយអាចនឹងទាញភ្ញៀវអន្តរជាតិមកបន្ថែមទៀតតាមរយៈនាងក៏ថាបាន៕
