កម្លាំងនគរបាលខេត្តតាកែវ បានធ្វើការឃាត់ខ្លួនបុរសម្នាក់ ឈ្មោះ សាន ផានិត ពីបទ ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម ប្រព្រឹត្តនៅប្រទេសកម្ពុជា កាលពីអំឡុងខែកក្កដា ឆ្នាំ២០២៤។
យោងតាមដីការបង្គាប់របស់អយ្យការអមសាលាដំបូងរាជធានីភ្នំពេញ បង្គាប់ឱ្យកងកម្លាំងសាធារណៈ ឱ្យចាប់ និងនាំខ្លួនបុរសខាងលើនេះមកប្រគល់ជូនសាលាដំបូងរាជធានីភ្នំពេញដើម្បីចាត់ការតាមច្បាប់ ដោយដីកាបង្គាប់នេះមានអានុភាព គិតចាប់ពីថ្ងៃទី១៣ ខែសីហា ឆ្នាំ ២០២៤ ដល់ថ្ងៃទី១៣ ខែកញ្ញា ឆ្នាំ២០២៤។
យុវជនខាងលើមានឈ្មោះ សាន ផានិត ភេទប្រុស អាយុ២២ឆ្នាំ ទីកន្លែងកំណើត នៅស្រុកសំរោង ខេត្ដតាកែវ ទីលំនៅបច្ចុប្បន្ន ស្នាក់នៅភូមិស្វាយរន្ធ ឃុំជំរះពេន ស្រុកសំរោង ខេត្ដតាកែវ៕
