ខកខានយូរ BLACKPINK Live ជុំគ្នាម្តងធ្វើឱ្យអ្នកគាំទ្ររំភើបចិត្ត ខណៈ Lisa ខុសគេម្នាក់ឯងលើសកម្មភាពនេះ

នៅពាក់កណ្តាលអធ្រាត្រថ្ងៃទី ៨ ខែសីហា ម៉ោងនៅប្រទេសកូរ៉េខាងត្បូង BLACKPINK បានធ្វើឱ្យអ្នកគាំទ្រភ្ញាក់ផ្អើលជាមួយនឹងការផ្សាយផ្ទាល់ដែលមានសមាជិកទាំងបួនដើម្បីរំលឹកខួបលើកទី ៨ របស់ពួកគេ។ អស់រយៈពេលជាង ៤០ នាទី អ្នកគាំទ្រមានការរំភើបរីករាយដែលបានឃើញសមាជិកទាំងបួននាក់រួមគ្នានៅលើការផ្សាយផ្ទាល់បន្ទាប់ពីទិដ្ឋភាពនេះបានឃ្លាតពីអ្នកគាំទ្រអស់រយៈពេលជាយូរមកហើយ។

ក្នុងអំឡុងពេលផ្សាយផ្ទាល់ BLACKPINK បានធ្វើឱ្យអ្នកគាំទ្ររីករាយជាមួយនឹងសមាជិកទាំង៤បានច្រៀងអបអរខួបក្រុមរបស់ពួកគេ។ ពេល Rosé ផ្លុំទៀន ធ្វើឱ្យមួកខួបរបស់នាងធ្លាក់ចុះមកដែលរូបភាពនេះបានសាយភាយពេញបណ្ដាញសង្គម X ។ Rosé ក៏បានប្រាប់ដែរថា នាងមានអារម្មណ៍សំណាងបំផុតដែលបានជួបសមាជិកទាំង ៤ នាក់មុនថ្ងៃខួបកំណើត។ ទន្ទឹមនឹងរឿងរ៉ាវផ្សេងៗរបស់ពួកគេ សមាជិកទាំង៤ក៏មិនភ្លេចសួរគ្នាអំពីគម្រោងផ្ទាល់ខ្លួនរបស់គ្នាទៅវិញទៅមក។

Jennie បានសួរ Lisa អំពីបទចម្រៀងទោលរបស់នាងមានចំណងជើងថា «ROCKSTAR» ក្នុងការធ្វើ challenge រាំបទនេះ។ ជាមួយគ្នានេះដែរ Jisoo, Jennie និង Rosé បានបង្ហាញពីក្តីរំភើបរបស់ពួកគេចំពោះការបង្ហាញខ្លួនរបស់ Lisa ក្នុងភាពយន្តហូលីវូដរបស់HBO ។ Jennie ប៉ាន់ស្មានថាខួបលើកទី ៩ ប្រហែលជាមានអារម្មណ៍សោកសៅបន្តិចព្រោះឆ្នាំនេះរំលេចលេខ ៨ច្រើន។ Jisoo ធានាភ្លាមៗថា BLACKPINK នឹងប្រារព្ធខួបលើកទី ៨ របស់ពួកគេ ធ្វើឱ្យអ្នកគាំទ្រចាប់អារម្មណ៍យ៉ាងខ្លាំង ដោយសារតែវាបង្ហាញថា BLACKPINK ជាមួយនឹងសមាជិកទាំង៤នៅតែមានជានិច្ច ទោះបីជាពួកគេបន្តអាជីពរៀងៗខ្លួនក៏ដោយ។ បន្ទាប់ពីការផ្សាយផ្ទាល់ BLACKPINK គ្រោងនឹងចូលរួមក្នុងព្រឹត្តិការណ៍គម្រប់ខួប ៨ ឆ្នាំ នៅរសៀលថ្ងៃទី ៨ ខែសីហា នៅទីក្រុងសេអ៊ូល ប្រទេសកូរ៉េខាងត្បូង។ ឱកាសដ៏កម្រនេះនឹងអនុញ្ញាតឱ្យអ្នកគាំទ្រដែលមានសំណាងចំនួន ៨៨ នាក់បានជួបក្រុម BLACKPINK ដោយផ្ទាល់ ដែលជាការកត់សម្គាល់ព្រឹត្តិការណ៍អ្នកគាំទ្រលើកដំបូងចាប់តាំងពីការផ្សព្វផ្សាយអាល់ប៊ុមរបស់ពួកគេ «BORN PINK» ជាងមួយឆ្នាំមុន។

ជាមួយគ្នានេះដែរ ក្នុងការជួបជុំនេះ Lisa ជាសមាជិកតែម្តងគត់ក្នុងក្រុមដែលបានស្លៀកពាក់ពណ៌ខ្មៅលាយពណ៌ផ្កាឈូក សូម្បីតែខោរបស់នាងក៏មានអក្សរ BP ខណៈសមាជិក៣រូបផ្សេងទៀតពុំបានស្លៀកដូចជា Lisa នោះទេ៕