តារាសម្តែងចិនដ៏ល្បីល្បាញ Dylan Wang ឬស្គាល់ថាជា Wang Hedi ថ្មីៗនេះលោកបានបើកហាងលក់នំប៉័ងនៅទីក្រុងសៀងហៃ ប៉ុន្តែត្រូវបានគេរិះគន់ដោយសារនំប៉័ងមួយដុំលក់ច្រើនជាង ១១៨ យន់ ប្រហែល១៦ដុល្លារដែលបានក្លាយជាប្រធានបទស្វែងរក ដ៏ក្តៅគគុកនៅលើបណ្តាញសង្គមចិន។.png)
ម៉ាកយីហោ «D.Desirable» ដែលត្រូវបានបង្កើតឡើងដោយលោក Dylan Wang ថ្មីៗនេះបានសហការគ្នាជាមួយម៉ាកយីហោផ្សេងទៀតដើម្បីបង្កើតហាងនំប៉័ងនៅក្នុងប្រទេសចិន។ បន្ទាប់ពីតម្លៃត្រូវបានលាតត្រដាងអ្នកនិយមលេងអ៊ិនធឺណិតជាច្រើនបានរិះគន់ តម្លៃនេះថាថ្លៃពេក។ ការរិះគន់នេះដោយសារតែនំប៉័ងមួយដុំមានតម្លៃដល់ទៅ ១១៨ យន់ ប្រហែលនឹង១៦ដុល្លារ។
ទោះជាយ៉ាងណាក៏ដោយ អ្នកគាំទ្ររបស់ Dylan Wang បានចេញមុខតបតនឹងការរិះគន់នេះដោយលើកហេតុផលថា ទីតាំងហាងស្ថិតនៅលើចំណុចផ្លូវសំខាន់ ហើយហាងនេះត្រូវចំណាយ ពេលប្រហែល៣ខែដើម្បីបើកនិងតុបតែង ហើយថ្លៃជួលហាង ថ្លៃតុបតែងជាដើមយ៉ាងហោចណាស់ ២លានយន់ (ប្រហែលជាង២៧ម៉ឺនដុល្លារ)។ ជាងនេះទៅទៀត នំប៉័ង មួយដុំពីហាងមួយទៀតនៅតាមផ្លូវដូចគ្នានេះមានតម្លៃ៩៨យន់ ប្រហាក់ប្រហែលគ្នាប៉ុណ្ណោះ។.png)
អ្នកគាំទ្ររបស់តារាប្រុសរូបនេះលើកឡើងទៀតថា ហាងរបស់ Dylan Wang មានកំណត់ប្រចាំថ្ងៃលើសពី ១០០ដុំនំប៉័ង ហើយរាល់ការទិញនំប៉័ងមកជាមួយអំណោយក្នុងដៃដូចជា កាបូបដែលរួមមាន ខ្សែក ម៉ាកល្បីៗ ថង់ក្លិនក្រអូប និងកាដូផ្សេងៗទៀតជាមួយការថែមសម្រាប់ការបើកដំណើរការតែពីថ្ងៃទី ១៣ ខែកក្កដា ដល់ថ្ងៃទី៣១ ខែសីហាប៉ុណ្ណោះ ហើយប្រាក់ចំណេញមិនច្រើនដូចអ្នកខាងក្រៅគិតនោះទេ។.png)
តារាសម្តែង Dylan Wang មានអាយុ២៥ឆ្នាំជាអតីតជើងឯកក្នុងកម្មវិធី Super Idol នៅឆ្នាំ២០១៧ បន្ទាប់មកបានក្លាយជាតារាសម្តែងចិនដ៏ល្បីល្បាញបន្ទាប់ពីសម្តែងជាតួអង្គ Daoming Si ។ លោកជាតារាសម្តែងដ៏មានប្រជាប្រិយភាពម្នាក់ប្រចាំប្រទេសចិនហើយរឿងភាគទូរទស្សន៍ចុងក្រោយ Only For Love ជាមួយតួឯកស្រី Bailu គឺទទួលបានការគាំទ្រយ៉ាងខ្លាំងពីទស្សនិកជនទាំងក្នុងស្រុកនិងក្រៅស្រុក៕
