កាលពីប៉ុន្មានសប្តាហ៍ថ្មីៗនេះ Jennie សមាជិកក្រុម BLACKPINK បានបង្ហោះរូបរបស់នាងជាមួយតារាប្រុសហុងកុងម្នាក់ឈ្មោះ Edison Chen នៅលើគណនី Instagram ផ្ទាល់ខ្លួនរបស់នាងអំពីការសហការគ្នារវាងនាង ADIDAS និង CLOT ដែលជាម៉ាកសម្លៀកបំពាក់តាមដងផ្លូវដ៏ល្បីល្បាញបំផុតមួយ គ្រប់គ្រងដោយតារាចម្រៀង និងតារាសម្តែងជាច្រើន។
ខណៈពេលដែលអ្នកគាំទ្រមានការរំភើបចិត្តចំពោះការសហការគ្នានេះ គេក៏ប្រទះឃើញ Jennie និង Chen ថតរូបជាមួយគ្នានិងបង្ហោះរូបក្នុងថ្ងៃតែមួយ ធ្វើឱ្យអ្នកគាំទ្រហាក់មានការមិនពេញចិត្ត ព្រោះតារាប្រុសហុងកុងរូបនេះធ្លាប់មានរឿងអាស្រូវជាច្រើនជុំវិញករណីផ្លូវភេទ និងអត្តចរិតមិនល្អ។ ដូចប្រិយមិត្តដឹងហើយថា Jennie គឺជាតារាស្រីដ៏មានឥទ្ធិពលម្នាក់ក្នុងវិស័យ K-POP និងទូទាំងពិភពលោក ដូច្នេះរាល់សកម្មភាពទាំងអស់របស់នាងគឺគេតែងតែចាប់អារម្មណ៍ជានិច្ច។
ហេតុនេះនៅពេលដែលនាងបង្ហោះរូបជាមួយតារាប្រុសហុងកុង Edison Chen គឺគេមិនពេញចិត្តឡើយ ដោយទទួលបានការរិះគន់យ៉ាងចាស់ដៃពីសំណាកមហាជន។ ដូច្នេះអ្នកលេងបណ្តាញសង្គមជាច្រើននាក់បានរិះគន់ Jennie ថានាងជាតារាខ្ពង់ខ្ពស់មិនគួរថតជាមួយមនុស្សបែបនេះទេ ខណៈអ្នកខ្លះទៀតបានស្នើសុំឱ្យនាងលុបចោលរូបនេះ ទោះជាយ៉ាងណាចំពោះមតិផ្សេងទៀតក៏បានលើកឡើងថា នេះជាសិទ្ធឯកជនរបស់នាង នាងចង់សហការជាមួយអ្នកណាក៏បាន ព្រោះវាជាការងាររបស់នាង។
គួរបញ្ជាក់ដែរថា Edison Chen គឺជាតារាប្រុសហុងកុងម្នាក់ដែលមានរឿងអាស្រូវឥតឈប់ឈរ ហើយរឿងអាស្រូវដំបូងបំផុតរបស់ Chen គឺបានកើតឡើងក្នុងឆ្នាំ ២០០៧ នៅពេលដែលលោកបានឈ្លោះជាមួយអ្នកបើកបរតាក់ស៊ី ដោយលោកបានយកដំបងវ៉ៃទាត់រថយន្តជាច្រើនដង បណ្តាលឱ្យខូចខាតយ៉ាងធ្ងន់ធ្ងរ រួមទាំងបែកធ្លាយ និងបែកកញ្ចក់រថយន្តទាំងអស់។ .jpeg)
ដោយសារតែទង្វើដ៏អាក្រក់របស់លោក លោកក៏ត្រូវបានប៉ូលីសចាប់ខ្លួន និងពិន័យជាប្រាក់ ៦០០ ដុល្លារសម្រាប់ការខូចខាតដែលបានកើតឡើងចំពោះតាក់ស៊ី។ បន្ទាប់មកនៅឆ្នាំ ២០១១ Edison Chen ក៏បានបែកធ្លាយរូបថតគេងជាមួយតារាស្រីៗជាច្រើនពេញបណ្តាញសង្គមធ្វើឱ្យមានការរិះគន់យ៉ាងចាស់ដៃ ហើយនៅឆ្នាំដដែលនេះ គេក៏បានប្រទះឃើញតារាប្រុសរូបនេះឱបថើបនារីអាយុ ១៦ ឆ្នាំទៀតផង៕
