ទារ.កម្នាក់មានមុខស្រដៀង V ខ្លាំងរហូតប្រៀបធៀបថាដូចជាឪពុក-កូន

កាលពីពេលថ្មីៗនេះ ទារកម្នាក់ដែលជាកូនកាត់កូរ៉េ-ហ្វីលីពីន មានអាយុ៦ខែ ដែលមានឈ្មោះថា Kim Suho បានផ្ទុះការចាប់អារម្មណ៍ពេញបណ្តាញសង្គមបន្ទាប់ពីអ្នកនិយមលេងអ៊ីនធឺណិតបានកត់សម្គាល់ឃើញថា ក្មេងប្រុសនេះមានមុខមាត់ស្រដៀងនឹង V សមាជិក BTS ឬ Kim Taehyung ។

វីដេអូមួយដែលមានការប្រៀបធៀបរូបថតទារកនិង V ត្រូវបានគេផ្សព្វផ្សាយតាមអ៊ីនធឺណិត។ នៅក្នុង caption បានសរសេរថា «ទារកនេះកំពុងល្បីដោយសារមុខស្រដៀង V ថែមទាំងមានត្របកភ្នែកពីរជាន់ដូច V បេះដាក់»។ ពេលទារកនេះដេកក៏ដូចជា V ដេកដែរ ខណៈថ្ងៃកំណើតក្មេងប្រុស Suho ត្រូវនឹងថ្ងៃទី២៩ ខែធ្នូ ចំណែកឯ V មានថ្ងៃកំណើតទី៣០ ខែធ្នូ មុនក្រោយគ្នាមួយថ្ងៃប៉ុណ្ណោះ។ វីដេអូដែលត្រូវបានបង្ហោះកាលពីថ្ងៃ ២៧ ឧសភាទទួលបានការចាប់អារម្មណ៍យ៉ាងខ្លាំង ដោយមនុស្សជាច្រើនបានបង្ហាញពីអារម្មណ៍ច្រណែននឹងម្តាយរបស់ Suho ។

អ្នកលេងបណ្តាញសង្គមបានបញ្ចេញមតិយោបល់ជាច្រើនដោយមតិថា ម្តាយរបស់ក្មេងប្រុសនេះពិតជាសំណាងមែនបង្កើតកូនមកមានមុខមាត់ដូច V ។ អ្នកខ្លះក៏ថាប្រហែលពេលម្តាយទារកនេះពរពោះមើលរូប V ច្រើនហើយមើលទៅ ក៏មានអ្នកគាំទ្រដែលចាប់ផ្តើមចោទសួរពីទំនាក់ទំនងរបស់ Suho ជាមួយតារា K-pop រូបនេះដូចគ្នា ។ មានមតិពិសេសមួយដែលទាក់ទាញភ្នែកម្តាយរបស់ទារក និងធ្វើឱ្យស្រ្តីនោះមិនពេញចិត្តជាខ្លាំងដោយម្នាក់នោះ យសរសេរថា «សូមប្រាប់ខ្ញុំថា អ្នកមិនមានទំនាក់ទំនងអ្វីជាមួយ Taehyung ទេ។ ផ្តល់សេចក្តីថ្លែងការណ៍ពិតប្រាកដមួយ វាអាចធ្វើឱ្យប៉ះពាល់ដល់ Taehyung យ៉ាងខ្លាំង មិនដូច្នេះទេនាងអាចរាយការណ៍រឿងនេះទៅកាន់ទីភ្នាក់ងារV » ។

រឿងនេះជំរុញឱ្យម្តាយរបស់ទារកដែលមានមុខមាត់ដូច V ចេញបានប្រកាសថាឪពុកទារកនេះមានអាយុប្រហែល៥០ឆ្នាំ ហើយរូបនាងមិនអាចបង្ហោះរូបបច្ចុប្បន្នកាលរបស់ស្វាមីនោះទេជំនួសមកវិញដោយរូបថតឪពុក Kim Suho កាលពីក្មេងវិញ។
ស្រ្តីរូបនោះបានព្រមានថា «ខ្ញុំបានឃើញមតិអវិជ្ជមាន ប៉ុន្តែមតិនេះមិនសមរម្យ។ រឿងកំប្លែងគឺជារឿងកំប្លែង ប៉ុន្តែវាពិតជាអាចបំផ្លាញអាជីព និងជីវិតរបស់នរណាម្នាក់បាន។នាងបានបន្ថែមថា Taehyung សមនឹងទទួលបានការគោរព ព្រោះគេជា បុរសដែលមានចិត្តល្អ និងពេញនិយមដែលខិតខំប្រឹងប្រែងដើម្បីទទួលបានជោគជ័យ។ ស្ត្រីនោះបានបញ្ជាក់ចុងក្រោយទៅកាន់អ្នកគាំទ្រតារាចម្រៀង K Pop ក៏ល្បីរូបនេះដែរថា Suho មិនជាប់ទាក់ទងនឹង Taehyung ទេ៕