ថ្មីៗនេះ សារព័ត៌មាន The Mirror បានចេញផ្សាយអត្ថបទព័ត៌មានមួយ ដោយមានចំណងជើងថា៖”យន្តហោះ MH370 ត្រូវបានរកឃើញនៅក្នុងព្រៃដ៏ជ្រៅក្នុងប្រទេសកម្ពុជា”។
ក្រោយមានការផ្ទុះព័ត៌មាននេះ អនុរដ្ឋលេខាធិការ និងជាអ្នកនាំពា្យអាកាសចរស៊ីវិល លោកស៊ីន ចាន់សិរីវុត្ថា បានចេញមុខធ្វើការបកស្រាយ ដោយថា ការចេញផ្សាយរបស់ The Mirror ជាព័ត៌មានក្លែងក្លាយ។
ជុំវិញករណីនេះ លោកស៊ីន ចាន់សិរីវុត្ថា ក៏បានបញ្ជាក់ថា៖” ប្រសិនបើខាងភាគីម៉ាឡេសុី ចង់មករុករកនៅដែនព្រៃកម្ពុជា អាចដាក់សំណើមកបាន ដោយកម្ពុជាត្រៀមខ្លួនក្នុងការសហការជានិច្ច”។
គួរបញ្ជាក់ថា យន្តហោះ MH370 បានបាត់ស្រមោលចេញពីរ៉ាដាកាលពីថ្ងៃទី៨ ខែមីនា ឆ្នាំ ២០១៤ ដោយមានអ្នកដំណើរ២២៧នាក់ និងពីឡុត ១២នាក់ ពេលធ្វើដំណើរចេញពីទីក្រុងគូឡាឡាំពួរ ឆ្ពោះទៅកាន់ទីក្រុងប៉េកាំង។
ក្រោយការបាត់ខ្លួននេះ រដ្ឋាភិបាលប្រទេសម៉ាឡេសុី បានសហការជាប្រទេសជាច្រើន ដើម្បីធ្វើការស្វែងរកបំណែក ឬភស្តុតាងណាមួយ ដើម្បីបញ្ជាក់ពីការបាត់ខ្លួននេះ ក៏ប៉ុន្តែក្រោយចំណាយប្រមាណជា១៣០លានដុល្លារក្នុងការរុករក នៅតែមិនអាចរកឃើញតំរុយណាមួយនោះទេ៕
អានអត្ថបទពេញរបស់ The Mirror
